తెరకెక్కుతోన్న చంద్రబాబు, వైయస్ స్నేహం
దాదాపు 3 దశాబ్దాలు పాటు రాజకీయ విరోధులు గా ఉన్నా ..వారి ప్రెండ్షిప్ మాత్రం కలసినప్పుడల్లా కొనసాగుతూనే ఉండేది. ఈ విషయాలు చాలా మందికి తెలియదు. దాంతో వీరి స్నేహాన్ని , ఆ నాటి రోజులని గుర్తు చేస్తూ ఓ వెబ్ సీరిస్ తెరకెక్కనుందని తెలుస్తోంది.
ఆంధ్రప్రదేశ్ రాజకీయాల్లో తలపండిన దిగ్గజాలు.. మాజీ ముఖ్యమంత్రులు చంద్రబాబు నాయుడు.. వైయస్ రాజశేఖర్ రెడ్డి. వీరిద్దరూ ఒకప్పుడు మంచి స్నేహితులు. రాజకీయంగా విభేధాలు ఉన్నా...స్నేహితులుగా బెస్ట్ అనిపించుకున్నారు. దాదాపు 3 దశాబ్దాలు పాటు రాజకీయ విరోధులు గా ఉన్నా ..వారి ప్రెండ్షిప్ మాత్రం కలసినప్పుడల్లా కొనసాగుతూనే ఉండేది. ఈ విషయాలు చాలా మందికి తెలియదు. దాంతో వీరి స్నేహాన్ని , ఆ నాటి రోజులని గుర్తు చేస్తూ ఓ వెబ్ సీరిస్ తెరకెక్కనుందని తెలుస్తోంది.
`చదరంగం` వెబ్ సిరీస్ తో పాపులరైన రాజ్ ఈ చిత్రానికి దర్శకత్వం వహించనుండగా యన్టీఆర్ బయోపిక్ నిర్మాత విష్ణు ఇందూరి ఈ సినిమాని నిర్మించనున్నారు. తిరుమల రెడ్డి సహకారం అందించనున్నారు.
ఇక ఇందులో మొదట కొన్ని ఎపిసోడ్స్..వీరిద్దరి ప్రాధమిక రోజుల్లో స్నేహం ఎలా మొదలైంది..వారిద్దరి భావాలు ఎలా కలిసాయి. ఎలా స్నేహం అభివృధ్ది చెందింది చూపెడతారు. ఆ తర్వాత మెల్లిగా రాజకీయాల్లోకి వచ్చి ఎలా ఇద్దరూ ఎలా డవలప్ అయ్యారు. కాంగ్రేస్ లో ఇద్దరూ కలిసి ఎలా పనిచేసారు చూపెట్టనున్నారు.
ఇక చంద్రబాబు నాయుడు ఈ క్రమంలో ముఖ్యమంత్రిగా ఎదిగిన విధానం, ఆయన ప్రవేశ పెట్టిన పధకాలు, పార్టీ పరంగా వైయస్ తో విభేదాలు చూపెడతారు. ఆ తర్వాత వైయస్ ముఖ్యమంత్రి అవటం..ఆయన విధానాలు, ఆ సమయంలో ఇద్దరి మధ్య వచ్చిన పొలిటికల్ విభేధాలు, అయినా మర్చిపోని స్నేహం హైలెట్ కానున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
