వినాయక చవితిని టార్గెట్ చేసిన విజయ్ సేతుపతి `లాభం`..
`లాభం` సినిమాకి సంబంధించి విజయ్ సేతుపతి, శృతి హాసన్ వినాయక్ చవితిని టార్గెట్ చేశారు. అన్ని కార్యక్రమాలు పూర్తి చేసుకుని తెలుగు, తమిళంలో ఏక కాలంలో ఈ నెల(సెప్టెంబర్) 9న సినిమాని విడుదల చేయబోతున్నారు.
విజయ్ సేతుపతి, శృతి హాసన్ జంటగా నటించిన చిత్రం `లాభం`. తమిళంలో రూపొందిన ఈ చిత్రాన్ని తెలుగులో విడుదల చేయబోతున్నారు. `లాభం` పేరుతోనే ఈ చిత్రాన్ని తెలుగులో రిలీజ్ చేయబోతున్నారు. ఎస్.పి. జననాథన్ దర్శకత్వం వహించిన ఈ చిత్రాన్ని లాయర్ శ్రీరామ్ సమర్పణలో శ్రీ గాయత్రి దేవి ఫిల్మ్స్ పతాకంపై నిర్మాత బత్తుల సత్యనారాయణ(వైజాగ్ సతీష్) తెలుగులో విడుదల చేస్తున్నారు.
ఈ సినిమాకి సంబంధించి విజయ్ సేతుపతి, శృతి హాసన్ వినాయక్ చవితిని టార్గెట్ చేశారు. అన్ని కార్యక్రమాలు పూర్తి చేసుకుని తెలుగు, తమిళంలో ఏక కాలంలో ఈ నెల(సెప్టెంబర్) 9న సినిమాని విడుదల చేయబోతున్నారు. రీసెంట్గా ఈ సినిమా ట్రైలర్ను విజయ్ సేతుపతి విడుదల చేశారు. ఆయన బెస్ట్ విషెస్ తెలియజేశారు.
ఈ సందర్భంగా నిర్మాతలు మాట్లాడుతూ, `విజయ్ సేతుపతి, శ్రుతిహాసన్ జంటగా నటించిన `లాభం` చిత్రం వినాయక చవితి సందర్భంగా తెలుగు, తమిళ భాషల్లో విడుదలవుతుంది. డిఫరెంట్ కాన్సెప్ట్తో పాటు అన్ని కమర్షియల్ హంగులతో రూపొందిన ఈ చిత్రాన్ని తెలుగులో శ్రీ గాయత్రీ దేవి ఫిలిమ్స్ బ్యానర్పై తెలుగు ప్రేక్షకులకు అందిస్తుండటం హ్యాపీగా ఉంది. తప్పకుండా ప్రేక్షకులను మెప్పిస్తుంది. విజయ్ సేతుపతి చిత్రాన్ని తెలుగులో విడుదల చేస్తున్నందుకు గర్వంగా ఉంది` అని అన్నారు.
విజయ్ సేతుపతి, శ్రుతిహాసన్, జగపతిబాబు, సాయి ధన్సిక, కలైయ రసన్, రమేష్ తిలక్, పృత్వి రాజన్, డేనియల్ అన్నే పోపే, నితీష్ వీర, జయ్ వర్మన్ తదితరులు నటిస్తున్నారు. హరీష్ బాబు ఎగ్జిక్యూటివ్ ప్రొడ్యూసర్. డి.ఇమామ్ మ్యూజిక్, రాంజీ కెమెరామెన్గా పనిచేస్తున్నారు.