హగ్ చేసుకోవాలని ఉంటుంది.. కానీ కంట్రోల్ చేసుకున్నా: విజయ్ దేవరకొండ
తక్కువ టైమ్ లో ఎక్కువ క్రేజ్ తెచ్చుకున్న విజయ్ దేవరకొండ జనాలను ఆకట్టుకునే విధంగా మాట్లాడటంలో దిట్ట అని అందరికి తెలిసిందే. ముఖ్యంగా యువతను ఎలా ఆకర్షించాలో వారితో ఎలా ఉండాలో తెలిసిన హీరో
తక్కువ టైమ్ లో ఎక్కువ క్రేజ్ తెచ్చుకున్న విజయ్ దేవరకొండ జనాలను ఆకట్టుకునే విధంగా మాట్లాడటంలో దిట్ట అని అందరికి తెలిసిందే. ముఖ్యంగా యువతను ఎలా ఆకర్షించాలో వారితో ఎలా ఉండాలో తెలిసిన హీరో. ఇకపోతే రీసెంట్ గా సవ్యసాచి ప్రీ రిలీజ్ వేడుకకు వెళ్లిన ఈ హీరో సంగీత దర్శకుడైన కీరవాణి గురించి చెప్పాడు.
తనకు కీరవాణి గారు ముందే తెలుసని ఒకసారి ముంబైలో కలిసినట్లు తెలిపాడు. అంతే కాకుండా తామిద్దరం ఒకసారి ఫ్లైట్ లో కలిసినప్పుడు ఫుడ్ ఆర్డర్ చేశాను. అప్పుడు తన దగ్గర డబ్బులు లేవని అయితే ఆ డబ్బులు కీరవాణి గారే చెల్లించారని వివరిస్తూ.. ఆయనను చూసినప్పుడల్లా హగ్ చేసుకోవాలని అనిపిస్తుంటోంది గాని ప్రతిసారి ఉరికే హగ్ ఇస్తే బావుండదు కదా అని కంట్రోల్ చేసుకున్నట్లు చెప్పాడు.
ముఖ్యంగా ఈ రోజు మాన్ అఫ్ ది డే కీరవాణి అని చెప్పిన విజయ్ డైలాగ్ కు ఆడియెన్స్ అందరూ ఒక్కసారిగా కేకలు వేశారు. సినిమా మంచి విజయం సాధించాలని కోరుకుంటూ అందరికి ధన్యవాదాలు తెలిపాడు. చందు మొండేటి దర్శకత్వం వహించిన సవ్యసాచి చిత్రాన్ని మైత్రి మూవీ మేకర్స్ వారు నిర్మించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
