ఉత్కంఠభరిత యాక్షన్‌ ఎపిసోడ్లతో వెంకీ `నారప్ప` ట్రైలర్‌
వెంకటేష్‌ హీరోగా రూపొందుతున్న `నారప్ప` చిత్రం ట్రైలర్‌ విడుదలైంది. అమెజాన్‌ ప్రైమ్‌లో విడుదల కాబోతున్న ఈ చిత్ర ట్రైలర్‌ని బుధవారం విడుదల చేసింది చిత్ర బృందం.
వెంకటేష్‌ హీరోగా, ప్రియమణి కథానాయికగా రూపొందుతున్న చిత్రం `నారప్ప`. ఫ్యామిలీ ఎంటర్‌టైనర్‌ చిత్రాల దర్శకుడు శ్రీకాంత్‌ అడ్డాల తెరకెక్కిస్తున్న యాక్షన్‌ చిత్రమిది. తమిళంలో ధనుష్‌ హీరోగా రూపొందిన `అసురన్‌` చిత్రానికి రీమేక్‌ అనే విషయం తెలిసిందే. తాజాగా ఇది విడుదలకు సిద్ధమవుతుంది. ఈ నెల(జులై) 20న ఓటీటీలో రాబోతుంది. అమెజాన్‌ ప్రైమ్‌లో విడుదలకు సిద్ధమవుతుంది. ఈ నేపథ్యంలో తాజాగా చిత్ర ట్రైలర్‌ని విడుదల చేసింది యూనిట్‌.
ఆద్యంతం ఉత్కంఠభరిత యాక్షన్‌ సన్నివేశాలతో ట్రైలర్‌ ఆకట్టుకుంటోంది. వెంకీ యంగ్‌, ఓల్డ్ లుక్‌లో అదరగొడుతున్నాడు. తమిళ `అసురన్‌` చిత్రాన్ని యదాతథంగా తెరకెక్కించినట్టు తాజా ట్రైలర్‌ని చూస్తుంటే తెలుస్తుంది. ఇందులో ప్రియమణి సైతం డీ గ్లామర్‌ లుక్‌లో కనిపించింది. ట్రైలర్‌లో `వాళ్లని ఎదురించడానికి అదొక్కటే దారి కాదు. మన దగ్గర భూమి ఉంటే తీసేసుకుంటారు. డబ్బుంటే లాగేసుకుంటారు. కానీ చదువు ఒక్కటి మాత్రమే మన దగ్గర నుంచి ఎవ్వరూ తీసుకోలేరు చిన్నప్ప` అని వెంకీ చెప్పే డైలాగులు ఆలోచింప చేస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
