కోబ్రాస్ ఒకేసారి సెట్లో సందడి చేశారు. ఇన్ని రోజులు ఎవరికి వారు సపరేట్గా కనిపించారు. కానీ ఇప్పుడు ఒకేసారి సెట్లో పాల్గొన్నారు. ఫన్ రెట్టింపు చేశారు. సెట్ మొత్తానికి నవ్వులు పూయించారు. వెంకటేష్, వరుణ్ తేజ్ కలిసి నటిస్తున్న మల్టీస్టారర్ `ఎఫ్3`. గతంలో వచ్చిన `ఎఫ్2`కిది సీక్వెల్.
కోబ్రాస్ ఒకేసారి సెట్లో సందడి చేశారు. ఇన్ని రోజులు ఎవరికి వారు సపరేట్గా కనిపించారు. కానీ ఇప్పుడు ఒకేసారి సెట్లో పాల్గొన్నారు. ఫన్ రెట్టింపు చేశారు. సెట్ మొత్తానికి నవ్వులు పూయించారు. వెంకటేష్, వరుణ్ తేజ్ కలిసి నటిస్తున్న మల్టీస్టారర్ `ఎఫ్3`. గతంలో వచ్చిన `ఎఫ్2`కిది సీక్వెల్. అనిల్ రావిపూడి రూపొందిస్తున్నారు. తమన్నా, మెహరీన్ హీరోయిన్లుగా నటిస్తున్నారు. శ్రీ వెంకటేశ్వర క్రియేషన్స్ పతాకంపై దిల్రాజు నిర్మిస్తున్నారు.
మొదట సినిమా షూటింగ్లో వెంకటేష్ పాల్గొన్నారు. ఆయనపై కొన్ని సన్నివేశాలు చిత్రీకరించారు. ఆ తర్వాత వరుణ్ తేజ్ పాల్గొన్నారు. ఇటీవల వెంకీతోపాటు తమన్నా, అండ్ టీమ్ పాల్గొంది. ఇప్పుడు వెంకీ, వరుణ్ ఒకేసారి సెట్లో సందడి చేశారు. వీరిపై పలు కీలకమైన, ఫన్నీ సన్నివేశాలు తెరకెక్కించినట్టు తెలుస్తుంది. ఈ విషయాన్ని దర్శకుడు, వెంకీ, వరుణ్ ట్విట్టర్ ద్వారా తెలిపారు. `కోబ్రాస్ బ్యాక్` అని అనిల్రావిపూడి అంటే, `బాయ్స్ తో సమ్ ఫన్` అని వెంకీ, `మ్యాడ్నెస్ ప్రారంభమైంద`ని వరుణ్ ట్వీట్లు చేశారు.
ఈ సందర్భంగా ఈ ముగ్గురు కలిసి ఉన్న ఫోటోని పంచుకున్నారు. ఇందులో ముగ్గురు నవ్వులు పూయిస్తున్నారు. ప్రస్తుతం ఈ ఫోటో ఆకట్టుకుంటుంది. డబ్బు చుట్టూ తిరిగే ఫన్ అండ్ ఫ్రస్టేషన్ ప్రధానంగా ఈ సినిమా సాగుతుందని తెలుస్తుంది. ఈ సినిమాని ఆగస్ట్ 27న విడుదల చేయనున్నారు.
