NBK 107 Crazy Update: బాలయ్యతో ఢీ కొట్టబోతున్న జయమ్మ.. ఇక వెండితెరపై మోతే..
NBK 107లో ముఖ్య పాత్ర కోసం కన్నడ నటుడు దునియా విజయ్ ని ఎంపిక చేశారు. తాజాగా మరో విలక్షణ నటిని తీసుకొచ్చారు. `క్రాక్`లో జయమ్మగా కనువిందు చేసిన వరలక్ష్మి శరత్ కుమార్ని మరో ముఖ్య పాత్ర కోసం ఎంపిక చేసింది యూనిట్.
నందమూరి బాలకృష్ణ(Balakrishna) ఇటీవల `అఖండ`(Akhanda) చిత్రంతో భారీ విజయాన్ని సాధించారు. 2021లో బిగ్గెస్ట్ బ్లాక్ బస్టర్గా `అఖండ` నిలిచిందంటే అతిశయోక్తి కాదు. ఈ సినిమా వంద కోట్లకుపైగా కలెక్షన్లని రాబట్టింది. బోయపాటి శ్రీను దర్శకత్వం వహించిన ఈ చిత్రం బాలకృష్ణ కెరీర్లోనే అత్యధిక కలెక్షన్లని రాబట్టిన సినిమాగా Akhanda నిలిచింది. ఏపీలో టికెట్ల రేట్లు తక్కువగా ఉన్నప్పటికీ ఈ స్థాయి కలెక్షన్లని రాబట్టడం మామూలు విషయం కాదు. ఇక ఈ సినిమా ఇచ్చిన జోష్తో `క్రాక్` ఫేమ్ గోపీచంద్ మలినేనితో మరో పవర్ఫుల్ సినిమా చేయబోతున్నారు బాలయ్య. `ఎన్బీకే 107`(NBK 107) పేరుతో రూపొందుతున్న ఈ చిత్రానికి సంబంధించిన అప్డేట్లు అభిమానులను అలరిస్తున్నాయి.
ఇటీవల ఇందులో ముఖ్య పాత్ర కోసం కన్నడ నటుడు దునియా విజయ్ ని ఎంపిక చేశారు. తాజాగా మరో విలక్షణ నటిని తీసుకొచ్చారు. `క్రాక్`లో జయమ్మగా కనువిందు చేసిన వరలక్ష్మి శరత్ కుమార్(Varalaxmi SharathKumar)ని మరో ముఖ్య పాత్ర కోసం ఎంపిక చేసింది యూనిట్. ఈ విషయాన్ని తాజాగా వెల్లడించారు. NBK107`లోకి వెల్కమ్ చెబుతూ ట్వీట్లు చేసింది యూనిట్. `పవర్ఫుల్ నటి `జయమ్మ`కి వెల్కమ్. మరో గుర్తిండిపోయే పాత్రలో కనిపించబోతున్నారు` అని ట్వీట్ చేశాడు దర్శకుడు గోపీచంద్ మలినేని. మరోవైపు నిర్మాణ సమస్థ మైత్రీ మూవీ మేకర్స్ సైతం ఆమెకి వెల్కమ్ చెప్పింది.
`క్రాక్` సినిమా చూసిన బాలకృష్ణ.. వెంటనే మరో మాట లేకుండా గోపీచంద్ మలినేనితో సినిమా చేసేందుకు గ్రీన్ సిగ్నల్ ఇచ్చారు. మంచి స్క్రిప్ట్ రెడీ చేసుకో సినిమా చేద్దామని చెప్పగానే దర్శకుడు గోపీచంద్ ఓ పవర్ఫుల్ స్టోరీని బాలయ్యకి వినిపించారు. ఆయనకు నచ్చడంతో సినిమా వెంటనే పట్టాలెక్కింది. ఇప్పటికే పూజా కార్యక్రమాలు చేసుకున్న ఈ చిత్రం షూటింగ్కి రెడీ అవుతుంది. ఇటీవల `అఖండ` చిత్రంతో బ్లాక్ బస్టర్ అందుకున్న బాలయ్య వెంటనే గోపీచంద్తో `ఎన్బీకే 107` చిత్రంలో నటిస్తున్నారు. ఇందులో శృతి హాసన్ కథానాయికగా ఎంపికైంది. హీరో తప్పితే ఆల్మోస్ట్ `క్రాక్` కాంబినేషన్ రిపీట్ అవుతుందని చెప్పొచ్చు. ఇందులో బాలకృష్ణ.. పవర్ఫుల్ పోలీస్ ఆఫీసర్గా కనిపిస్తారని టాక్.
ఇదిలా ఉంటే విలక్షణ నటిగా పేరుతెచ్చుకుంది వరలక్ష్మి. ఆమె తమిళంలో నెగటివ్ రోల్స్ చేస్తూ దూసుకుపోతుంది. విజయ్ నటించిన `సర్కార్`లో పవర్ఫుల్ నెగటివ్ రోల్ చేసింది. తెలుగులోనూ అలరిస్తుంది. `తెనాలి రామకృష్ణ` చిత్రంతో టాలీవుడ్లోకి అడుగుపెట్టింది. అల్లరి నరేష్ నటించిన `నాంది`లో లాయర్ ఆద్యతో అదరగొట్టింది. సొంతంగా డబ్బింగ్ చెప్పి మెప్పించింది. దీంతోపాటు రవితేజ `క్రాక్`లో నెగటివ్ రోల్ చేసి అబ్బురపరిచింది. ఇప్పుడు బాలయ్య సినిమాలోనూ నెగటివ్ షేడ్ ఉన్న పాత్రలో Varalaxmi కనిపించబోతుందని టాక్. ఇదే నిజమైతే వెండితెరపై మోత మోగడం ఖాయమని చెప్పొచ్చు.