Urfi Javed : ఉర్ఫీ జావెద్ ను అరెస్ట్ చేసిన పోలీసులు? ఎలా తీసుకెళ్లారో చూడండి!
బోల్డ్ అవుట్ ఫిట్లలో ఎప్పుడూ వార్తలో సెన్సేషన్ గా నిలుస్తున్న ఉర్ఫీ జావెద్ ను ఈ ఉదయం పోలీసులు అరెస్ట్ చేశారు. ముంబైలోని ఈ ఘటనకు సంబంధించిన వీడియో నెట్టింట వైరల్ గా మారింది.
 )
Followబాలీవుడ్ సీరియల్ నటి ఉర్ఫీ జావెద్ (Urfi javed) నిత్యం వార్తల్లో నిలుస్తూనే ఉంటారు. పలు హిందీ సిరీయల్స్ లో నటించిన ఈమె ఆడియెన్స్ లో కాస్తా గుర్తింపు దక్కించుకుంది. బిగ్ బాస్ ఓటీటీ హిందీ సీజన్ 1లో కంటెస్టెంట్ గా చేరి మరింత క్రేజ్ దక్కించుకుంది. ఆ తర్వాత సోషల్ మీడియాలో సంచలనంగా మారింది. ముఖ్యంగా తను ధరించే దుస్తులతో ఆకట్టుకునే ప్రయత్నం చేస్తుంటుంది. బోల్డ్ అవుట్ ఫిట్లలో పబ్లిక్ లో తిరుగుతూ హంగామా చేస్తుంటుంది.
ఆమె దుస్తులపై ఎన్ని విమర్శలు వచ్చినా.. ఎలాంటి అభిప్రాయాలు వ్యక్తమైనా ఈ బ్యూటీ మాత్రం తన పంథాను వీడలేదు. ఇప్పటికీ షాకింగ్ అవుట్ ఫిట్లలో దర్శనమిస్తూనే ఉంటుంది. ఇక ఆమె ఫ్యాషన్ ఛాయిస్ పై ఇప్పటికే కేసులు నమోదవుతున్నాయి. గత నెలలో బంద్రా పోలీస్ స్టేషన్ లో ఆమె ఎంచుకుంటున్న దుస్తులపై కేసు ఫైల్ అయ్యింది. అలా పోలీస్ స్టేషన్ కు వెళ్లింది. ఇక తాజాగా ముంబై పోలీసులు కూడా ఆమె అరెస్ట్ చేసినట్టు తెలుస్తోంది.
ఈ ఉదయం ఉర్ఫీ జావెద్ కాఫీ కోసం బయటికి వచ్చింది. రెడ్ బ్యాక్ లెస్ టాప్, డెనిమ్ జీన్స్ ధరించింది. ఈలోగా అక్కడి పోలీసులు వచ్చి ఆమెను అదుపులోకి తీసుకున్నారు. ఇందుకు సంబంధించిని వీడియో కూడా నెట్టింట వైరల్ గా మారింది. లేడీ పోలీసులు ఆమెను తమతో పోలీసుస్టేషన్ కు రావాలంటూ ఆదేశిస్తారు. కానీ ఉర్ఫీ ఎందుకు, కారణం చెప్పాలంటూ ప్రశ్నిస్తుంటుంది... చివరిగా వారితో పాటు వెళ్లేందుకు అంగీకరిస్తుంది. ఈ వీడియో వైరల్ గా మారింది. అయితే, కొందరు ఇది ప్రాంక్ అయ్యి ఉండొచ్చని కూడా అభిప్రాయపడుతున్నారు. దీనిపై మరింత స్పష్టత రావాల్సింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
