అత్త సురేఖ అవకాయ పచ్చడి పెడుతుంటే.. ఆటపట్టిస్తూ కోడలు ఉపాసన ఫన్‌.. వీడియో వైరల్
చిరంజీవి తల్లి అంజనాదేవి, భార్య సురేఖలను ఆడుకుంది ఉపాసన. ఫన్నీ వీడియో తీసి పంచుకోగా, అది వైరల్ అవుతుంది. ఆద్యంతం ఆకట్టుకుంటుంది.
మెగా ఫ్యామిలీ కోడళ్లు `అత్తమ్మా కిచెన్‌`ని ప్రారంభించిన విషయం తెలిసిందే. మెగాస్టార్ చిరంజీవి భార్య సురేఖ, మెగాపవర్‌ స్టార్‌ రామ్‌చరణ్‌ భార్య ఉపాసన సారథ్యంలో ఈ కిచెన్‌ ని ప్రారంభించారు. పచ్చళ్లు, రుచికరమైన వంటకాలు చేస్తూ ఆన్‌ లైన్‌ ద్వారా విక్రయిస్తున్నారు. ఆ మధ్య దీన్ని ప్రారంభించారు. బాగా రన్‌ అవుతుంది. ఈ నేపథ్యంలో ఉపాసన దీన్ని తనదైన స్టయిల్‌లో ప్రమోట్‌ చేస్తూ మార్కెట్‌ని పెంచుతుంది. ఈ మేరకు ఆమె వీడియోలను సోషల్ మీడియాలో పంచుకుంటుంది.
రామ్‌ చరణ్‌ నాన్నమ్మ అంజనాదేవి, అమ్మ సురేఖలతో ఉపసాన ఫన్నీ వీడియోలు చేస్తూ రచ్చ చేస్తుంది. ఆ మధ్య ఇలాంటి వీడియోలు వైరల్ అయ్యాయి. ఇప్పుడు మరో క్రేజీ వీడియోని పంచుకుంది ఉపసాన. అత్తమ్మా కిచెన్‌ సోషల్ మీడియాలో ఈ వీడియోని షేర్‌ చేసింది. ఇందులో అంజనాదేవి పర్యవేక్షణలో ఈ పచ్చళ్లు ప్రిపరేషన్‌ కార్యక్రమం జరుగుతుంది. సురేఖ స్వయంగా మామిడికాయ పచ్చడి ప్రిపేర్‌ చేస్తున్నారు. మామిడి ముక్కల్లో వెల్లుల్లి కాయలు, ఇతర టేస్టీ పౌడర్స్ వేస్తూ కలుపుతుంది. ఆమె ఆ ప్రిపరేషన్‌లో బిజీగా ఉంది. పని వాళ్లు ఈ ప్రిపరేషన్‌లో ఆమెకి సహయంగా ఉన్నారు.
ఈ సందర్భంగా ఉపాసన వీడియో తీస్తూ ఫన్నీగా ఆటపట్టించే ప్రయత్నం చేసింది. అంజనా దేవి వద్దకు వెళ్లి నానమ్మ మీరు ఎందుకు ఇంత సీరియస్‌గా ఉన్నారు అని అడిగింది ఉపాసన. దీనికి ఆమె స్పందిస్తూ సీరియస్‌ ఏం లేదు, పనిలేక ఇలా కూర్చున్నా అని చెబుతుంది. మీ కోడలు పని చేయడం లేదా మంచిగా అంటే నువ్వు ఉన్నావుగా కోడలివి అని సమాధానం చెబుతుంది. ఇక ఉపాసన అక్కడ అవకాయ పచ్చడి ప్రిపరేషన్‌ చూపిస్తూ అత్తమ్మ సురేఖ వద్దకు వెళ్తుంది.
అత్తమ్మ అని అనగా, ఏం చేస్తున్నావని మాత్రం అడక్కు అంటుంది. దీంతో హిందీలో అడగ్గా, అసలుకే రాదు అని ఆమె చెప్పడం నవ్వులు పూయిస్తుంది. ఆ తర్వాత మరో ఆంటీ వద్దకు వెళ్లి, హాయ్‌ అంటీ అని విష్‌ చేసి వెల్‌ కమ్‌టూ అత్తమాస్‌ కిచెన్‌ అని ఉపాసన చెప్పడంతో ఆమె నవ్వులు చిందించింది. ఈ ఫన్నీ వీడియో ప్రస్తుతం సోషల్ మీడియాలో రచ్చ చేస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
