Asianet News TeluguAsianet News Telugu

ఐకాన్ స్టార్ అల్లు అర్జున్ ను ఫాలో అవుతున్న తమిళ స్టార్ హీరో.. ఏ విషయంలో అంటే?

సౌత్ కా సుల్తాన్, ఐకాన్ స్టార్ అల్లు అర్జున్ క్రేజ్ గురించి ప్రత్యేకంగా చెప్పనక్కర్లేదు. ‘పుష్ఫ’ తర్వాత బన్నీ ఫాలోయింగ్ ఊహించనంతగా పెరిగింది. ప్రస్తుతం అల్లు అర్జున్ తీసుకుంటున్న నిర్ణయాలు ఇతర స్టార్స్ కు కూడా స్ఫూర్తిదాయకంగా నిలుస్తున్నాయి. 
 

The Tamil star hero is following the icon star, What does that mean?
Author
Hyderabad, First Published Aug 13, 2022, 12:48 PM IST

క్రియేటివ్ డైరెక్టర్ సుకుమార్ దర్శకత్వంతో వచ్చిన ‘పుష్ఫ’ (Pushpa : The Rise) చిత్రం ఎంతటి సెన్సేషన్ క్రియేట్ చేసిందో తెలిసిందే. ముఖ్యంగా మూవీలోని ఐకాన్ స్టార్ అల్లు అర్జున్ (Allu Arjun) నటించిన పుష్పరాజ్ పాత్ర దేశవ్యాప్తంగా అభిమానులకు ఎంతగానో కనెక్ట్ అయ్యింది. హిందీలోనూ ఈ చిత్రం బ్లాక్ బాస్టర్ ఫిల్మ్ గా నిలిచింది. ప్రస్తుతం ‘పుష్ఫ : ది రైజ్’ కోసం ఆడియెన్స్, బన్నీ ఫ్యాన్స్ ఈగర్ గా వెయిట్ చేస్తున్నారు. పార్ట్ వన్ విడుదలై దాదాపు ఎనిమిది నెలలు గడుస్తున్నా ఇంకా పార్ట్ 2ను మాత్రం సెట్స్ పైకి తీసుకెళ్లడం లేదు దర్శకుడు సుక్కు. అయితే స్క్రిప్ట్ వర్క్ లో కొన్ని మార్పులు, అలాగే స్టార్ కాస్ట్ ను ఫైనలైజ్ చేయడంలో కాస్తా ఆలస్యం అవుతున్నట్టు తెలుస్తోంది.

ఇదిలా ఉంటే.. పుష్ఫ : ది రూల్ చిత్ర షూటింగ్ ఎలాగు ఆలస్యం అవుతుండటంతో అల్లు అర్జున్ కొన్ని యాడ్ షూట్స్ కు ఒకే చెబుతున్న విషయం తెలిసిందే. ఇప్పటికే ‘జోమాటో’,‘ర్యాపిడో’,‘ఆస్ట్రాల్ పైప్స్’ వంటి ప్రముఖ బ్రాండ్లకు సంబంధించిన యాడ్ షూట్స్ చేశారు. ఈ క్రమంలో ఇటీవల ప్రముఖ సంస్థ ‘ఆస్ట్రాల్ ప్లాస్టిక్’ కోసం అల్లు అర్జున్ న్యూ లుక్ ట్రై చేయడం ఇంటర్నెట్ ను షేక్ చేసింది. ఇప్పటికీ ఆ పిక్స్ వైరల్ అవుతూనే ఉన్నాయి. అయితే బన్నీ యాడ్ ఫిల్మ్స్ లో ఓ కీలక నిర్ణయం తీసుకున్నారంట. మద్యం, పొగాకు వంటి వాటికి ఎంత రెమ్యూనరేషన్ ఇచ్చిన యాడ్ షూట్ చేయనని తేల్చి చెప్పారంట. ఈ విషయంలో బన్నీ ఫ్యాన్స్ హ్యాపీగా ఫీలవుతున్నారు. 

అయితే ఇదే విషయంలో తమిళ స్టార్ హీరో శింబు (Simbu)కూడా బన్నీని ఫాలోఅవుతున్నారంట. ఈ మేరకు నెట్టింట్లో అభిమానులు బన్నీ- సింబు ల నిర్ణయాన్ని పొగుడుతూ పోస్టులు పెడుతున్నారు. ఇప్పటికే బాలీవుడ్ స్టార్స్ పలు మద్యం, పొగాకు వంటి వాటికి యాడ్ షూట్ చేసి అభిమానులు, నెటిజన్ల నుంచి వ్యతిరేకత తెచ్చుకున్న విషయం తెలిసిందే. టాలీవుడ్ స్టార్ గా అల్లు అర్జున్ కు మంచి గుర్తింపు ఉండటం ఒక ఎత్తైతే.. ఆయన తీసుకునే నిర్ణయాలు బన్నీని మరోస్థాయికి తీసుకెళ్తున్నాయి. తమిళ స్టార్ శింబు ‘మానాడు’తో మంచి సక్సెస్ ను అందుకోవడంతో యాడ్ షూట్స్ కు అవకాశాలు వస్తున్నాయి.  ఈ క్రమంలో బన్నీలాగే శింబు మద్యం, పొగాకు వంటి వాటి యాడ్ షూట్స్ కు ‘నో’ చెబుతున్నారు. 
 

Follow Us:
Download App:
  • android
  • ios