త్రివిక్రమ్ సినిమాలో అక్కినేని హీరో!
ప్రస్తుతం సినిమా ఇండస్ట్రీలో చాలా మంది హీరోలు ఇతర హీరో చిత్రాల్లో కనిపించడానికి ఆసక్తి చూపుతున్నారు.
ప్రస్తుతం సినిమా ఇండస్ట్రీలో చాలా మంది హీరోలు ఇతర హీరో చిత్రాల్లో కనిపించడానికి ఆసక్తి చూపుతున్నారు. కథ, పాత్ర బాగుంటే వేరే హీరోలతో కలిసి స్క్రీన్ షేర్ చేసుకోవడానికి ఓకే చెబుతున్నారు. హీరో సుశాంత్ కూడా తాజాగా ఓ స్టార్ హీరో సినిమాలో కనిపించడానికి సిద్ధమవుతున్నట్లు తెలుస్తోంది.
చాలా కాలంగా హిట్స్ లేక బాధపడుతున్న సుశాంత్ కి 'చిలసౌ' సినిమా మంచి సక్సెస్ ఇచ్చింది. అయితే ఈ సినిమా తరువాత సుశాంత్ మరో సినిమా అంగీకరించలేదు. తాజాగా త్రివిక్రమ్-అల్లు ఆర్జున్ కాంబినేషన్ లో వస్తోన్న సినిమాలో నటించడానికి సుశాంత్ అంగీకరించినట్లు తెలుస్తోంది.
ఈ సినిమాలో అతడి పాత్ర చిన్నదే అయినా.. ఆకట్టుకునే విధంగా ఉంటుందని సమాచారం. అమాయకపు అబ్బాయి పాత్రలో సుశాంత్ కనిపిస్తాడట. సుశాంత్ పాటు ఈ సినిమాలో మరో నటుడు నవదీప్ ని కూడా తీసుకున్నట్లు తెలుస్తోంది.
అయితే నవదీప్ పాత్ర ఎలా ఉండబోతుందనే విషయంలో క్లారిటీ లేదు. హారికా హాసిని క్రియేషన్స్ బ్యానర్ పై తెరకెక్కుతోన్న ఈ సినిమా రెగ్యులర్ షూటింగ్ మరో పది రోజుల్లో మొదలుకానుంది. ఈ సినిమాలో హీరో తల్లిగా టబు కనిపించనుందని టాక్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
