Surya - Karthi Multistarrer: ఫ్యాన్స్ కు సూర్య- కార్తి ట్రీట్, మల్టీ స్టారర్ మూవీ చేయబోతున్న అన్నదమ్ములు

తమిళ్ యంగ్ హీరో కార్తి  ఖైదీ సినిమాతో అందరిని ఆశ్చర్యపరిచాడు. ఈమూవీ సైలెంట్ గా వచ్చి ప్రేక్షకులు మనసు దోచుకుంది. ఆడియన్స్ కు స్లోగా ఎక్కిన ఖైదీ... సినిమా ప్రేమికులకు మంచి కిక్ ఇచ్చింది. ఇక ఇప్పుడు ఈమూవీకి సీక్వెల్ ప్లానింగ్స్ జరుగుతున్నాయి. 

పెద్దగా ఖర్చులేదు. ఎక్కువ మంది ఆర్టిస్ట్ లతో పనిలేదు, సింపుల్ స్టోరీ.... మెస్మరైజ్ చేసే స్క్రీన్ ప్లే.. అన్ని అద్భుతంగా వర్కౌట్ అవ్వడంతో ఖైదీ మంచి విజయాన్ని అందుకుంది. ఈ సినిమాతో కార్తీ ఇమేజ్ తమిళ్ తో పాటు తెలుగులో కూడా ఓ స్టెప్ పెరిగిందని చెప్పాలి. దాంతో ఇప్పుడు ఖైదీకి  పార్ట్ 2 ప్లాన్ చేస్తున్నారు. ఈసారి ఈసినిమాలో బిగ్ సర్ ప్రైజ్ ఇవ్వబోతున్నారు. 

ఈ సినిమా కోసం భారీస్థాయిలో ఎలాంటి ఖర్చుటపెట్టలేదు. భారీ స్థాయిలో ఎలాంటి సెట్లు వేయలేదు. కథలో కనిపించేవి మూడే మూడు. ఒకటి పోలీస్ స్టేషన్ .. రెండోది గర్ల్స్ హాస్టల్ .. మూడోది విలన్ డెన్. విలన్ గ్యాంగ్ నుంచి పోలీసులను ఒక ఖైదీ కాపాడటమనే లైనే కొత్తగా ఉంటుంది.సినిమా మొత్తంలో ఆర్టిస్టులంతా సింగిల్ కాస్ట్యూమ్ తోనే కనిపిస్తారు. అయినా ఎక్కడా  బోర్ కొట్టించకుండా.. పాత వాసనలు తగలకుండా తెరకెక్కించారు ఖైదీ సినిమాను.

ఈ సినిమా ఇంత అద్భఉత విజయం సాధించింది కాబట్టే  దర్శకుడు లోకేశ్ కనగరాజ్ కు మంచి పేరుతో పాటు వరుసగా స్టార్స్ సినిమాలను డైరెక్ట్ చేసే ఛాన్స్ కూడా వచ్చింది.  ఇక తనకు మంచి లైఫ్ ఇచ్చిన ఈ మూవీ  సీక్వెల్ చేయడానికి కార్తి సన్నాహాలు చేస్తున్నాడు. అయితే సర్ప్రైజింగ్ గా  ఈ సినిమాలో సూర్య కూడా నటిస్తున్నాడని తాజాసమాచారం. 

ఖైదీ సినిమాను నిర్మించిన ఎస్.ఆర్.ప్రభు ఈ సీక్వెల్ ను కూడా నిర్మించనున్నాడు. ప్రస్తుతం అందుకు సంబంధించిన సన్నాహాలు జరుగుతున్నాయి. సూర్య - కార్తి కలిసి ఈ హిట్ మూవీ సీక్వెల్లో నటిస్తే మరింత క్రేజ్ పెరుగుతుందని భావిస్తున్నారు. విక్రమ్ ను రిలీజ్ కి రెడీ చేస్తున్న లోకేశ్ కనగరాజ్, ఆ తరువాత ప్రాజెక్టుగా ఈ సినిమా చేయనున్నాడు.
 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• Karthi
• Khaidi
• Lokesh Kanagaraj
• Surya
• Surya Karthi
• Surya Karthi Multistarrer