సూర్య నటించిన `ఆకాశం నీ హద్దురా` సినిమాకి అరుదైన గౌరవం దక్కింది. ఈ చిత్రం అంతర్జాతీయ ఫిల్మ్ ఫెస్టివల్కి ఎంపికైంది. షాంఘై(చైనా)లో జరిగే అంతర్జాతీయ చలనచిత్రోత్సవాల్లో ప్రదర్శించేందుకు ఎంపికైంది.
సూర్య నటించిన `ఆకాశం నీ హద్దురా` సినిమాకి అరుదైన గౌరవం దక్కింది. ఈ చిత్రం అంతర్జాతీయ ఫిల్మ్ ఫెస్టివల్కి ఎంపికైంది. షాంఘై(చైనా)లో జరిగే అంతర్జాతీయ చలనచిత్రోత్సవాల్లో పనోరమ సెక్షన్లో ప్రదర్శించేందుకు ఎంపికైంది. ఇండియా నుంచి ఎంపికైన మూడు సినిమాల్లో `సూరరైపోట్రు`(ప్రైజ్ ది బ్రేవ్) ఒకటి కావడం విశేషం. సూర్య హీరోగా నటించిన ఈ చిత్రానికి సుధా కొంగర దర్శకత్వం వహించారు. ఎయిర్ డెక్కన్ అధినేత గోపీనాథ్ జీవితం ఆధారంగా రూపొందిన చిత్రమిది. అపర్ణ బాలమురళీ హీరోయిన్గా నటించింది. 2డీ ఎంటర్టైన్మెంట్, సిఖ్యా ఎంటర్టైన్మెంట్ పతాకాలపై సూర్య, గునీత్ మొంగా సంయుక్తంగా నిర్మించారు.
ఈ సినిమా కరోనా కారణంగా నిరుడు నవంబర్ 12న అమెజాన్ ప్రైమ్లో విడుదలై భారీ విజయాన్ని సొంతం చేసుకుంది. మంచి వ్యూస్ని దక్కించుకుంది. ఈ సినిమా ఇప్పటికే `78వ గోల్డెన్ గ్లోబ్ అవార్డ్స్` లో ప్రదర్శించబడింది. అలాగే ఈ ఏడాది అందించిన 93వ ఆస్కార్ నామినేషన్కి పంపబడింది. కానీ ఎంపిక కాలేదు. తాజాగా షాంఘై ఫిల్మ్ ఫెస్టివల్లో ప్రదర్శనకు ఎంపిక కావడం విశేషం. ఈ ఫెస్టివల్కి సౌత్ నుంచి ఎంపికైన ఏకైక సినిమా `ఆకాశం నీ హద్దురా` కావడం మరో విశేషం. ఈ ఫెస్టివల్ జూన్ 11న ప్రారంభమై జూన్ 20న ముగుస్తుంది.
