అదిరింది: సందీప్ కిషన్ ‘ఎ1 ఎక్స్ప్రెస్’ ట్రైలర్
‘నిను వీడని నీడను నేనే’ చిత్రంతో సూపర్హిట్ను అందుకున్న సందీప్ కిషన్ హీరోగా నటిస్తున్న కొత్త చిత్రం ‘ఎ1 ఎక్స్ప్రెస్’. ఈ సినిమాలో సందీప్ కిషన్ సందీప్ నాయుడుగా కనిపిస్తారు. రావు రమేష్ నెగిటివ్ పాత్రలో కనిపించనున్నారు. తమిళ దర్శకుడు.... డెన్నిస్ జీవన్ కనుకొలను దర్శకత్వంలో పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్, వెంకటాద్రి టాకీస్ పతాకాలపై టిజి విశ్వప్రసాద్, అభిషేక్ అగర్వాల్, సందీప్ కిషన్, దయా పన్నెం ఈ చిత్రాన్ని నిర్మిస్తున్నారు.
హాకీ బ్యాక్డ్రాప్లో తెరకెక్కుతున్న తొలి తెలుగు చిత్రమిది. హిప్ హాప్ తమిళ సంగీతాన్ని అందిస్తున్న ఈ చిత్రానికి కెవిన్ రాజు సినిమాటోగ్రఫీ అందిస్తున్నారు. ఛోటా కె.ప్రసాద్ ఎడిటర్గా చేస్తున్నారు. ఈ చిత్రం ట్రైలర్ రిలీజైంది. చాలా ఇంట్రస్టింగ్ గా సాగిన ఈ ట్రైలర్ లో సినిమాలో ఉన్న అన్ని ఎమోషన్స్ ని చూపించారు. సందీప్ కిషన్, లావణ్య త్రిపాఠి జంట క్యూట్ గా ఉంది.
‘ఎ1 ఎక్స్ప్రెస్’ టీమ్ క్లైమాక్స్ సీక్వెన్స్ కు ఓ ప్రత్యేకత ఉంది. ఇండియాలోని అతిపెద్ద హాకీ స్టేడియం అయిన పంజాబ్లోని మొహాలీ గ్రౌండ్లో ఈ క్లైమాక్స్ సీక్వెన్స్ను షూట్ చేసారు. హాకీ నేపథ్యంలో వచ్చిన రికార్డులు తిరగరాసిన షారుఖ్ ఖాన్ ‘చక్ దే’ సినిమాను ఇదే మైదానంలో చిత్రీకరించడం విశేషం.
సందీప్ కిషన్ ఈ సినిమాకు సెంటిమెంట్ ఫాలో అయ్యారు. ఆయన సినీ కెరీర్లో హిట్గా నిలిచిన సినిమా 'వెంకటాద్రి ఎక్స్ప్రెస్'. ఈ చిత్రంతో సందీప్కు హీరోగా మంచి గుర్తింపు లభించింది. ఈ చిత్రమే కథానాయిక రకుల్ప్రీత్ సింగ్కు బ్రేక్ ఇచ్చింది. కాగా ఇప్పుడు సందీప్ కొత్త సినిమాకు 'ఎ1 ఎక్స్ప్రెస్' అనే టైటిల్తో సినిమా చేస్తున్నారు.