షూటింగ్లో ప్రమాదం.. స్టార్ హీరోకి గాయాలు..
స్టార్ హీరోగా రాణిస్తున్న ఫాహద్ ఫాజిల్ ప్రస్తుతం `మలయన్కుంజు` చిత్రంలో నటిస్తున్నారు. ఈ సినిమా షూటింగ్ కొచ్చిలో చిత్రీకరణ జరుపుకుంటోంది. ఇందులో భాగంగా బిల్డింగ్పై నుంచి దూకే సన్నివేశంలో ప్రమాదం చోటు చేసుకున్నట్టు తెలుస్తుంది.
షూటింగ్లో ప్రమాదం చోటు చేసుకుని మలయాళ స్టార్ హీరోకి గాయాలయ్యాయి. మలయాళ చిత్ర పరిశ్రమలో స్టార్ హీరోగా రాణిస్తున్న ఫాహద్ ఫాజిల్ ప్రస్తుతం `మలయన్కుంజు` చిత్రంలో నటిస్తున్నారు. ఈ సినిమా షూటింగ్ కొచ్చిలో చిత్రీకరణ జరుపుకుంటోంది. ఇందులో భాగంగా బిల్డింగ్పై నుంచి దూకే సన్నివేశంలో ప్రమాదం చోటు చేసుకున్నట్టు తెలుస్తుంది. బ్యాలెన్స్ తప్పి ఫాహద్ బిల్డింగ్పై నుంచి పడిపోయినట్టు తెలుస్తుంది. దీంతో వెంటనే ఆయన్ని కొచ్చిలోని ఓ ప్రైవేట్ హాస్పిటల్కి తరలించారు.
ఈ ప్రమాదంలో ఆయన ముక్కుకి బలమైన గాయమైందట. దీంతోపాటు ఇతర భాగాల్లో స్వల్ప గాయాలైనట్టు వైద్యులు తెలిపారు. ప్రస్తుతం ఆయన ఆరోగ్యం నిలకడగానే ఉందని, కొన్ని రోజులపాటు పూర్తి బెడ్ రెస్ట్ తీసుకోవాలని వైద్యులు సూచించారు. విషయం తెలిసిన వెంటనే ఆయన భార్య, హీరోయిన్ నజ్రియా నజిమ్ హుటాహుటిన ఆసుపత్రికి చేరుకున్నారు. దగ్గరుండి ఆయన బాగోగులు చూసుకుంటున్నారు. మరోవైపు తమ అభిమాన హీరో త్వరగా కోలుకోవాలని ఫ్యాన్స్ వేడుకుంటున్నారు.
ఫాహద్ 2014లో హీరోయిన్ నజ్రియా నజీమ్ని వివాహం చేసుకున్నారు. ఆమె `రాజారాణి` చిత్రంతో తెలుగు ఆడియెన్స్ కి పరిచయమైన విషయం తెలిసిందే. ప్రస్తుతం తెలుగులో `అంటే సుందరానికి` చిత్రంలో నాని సరసన హీరోయిన్గా నటిస్తుంది. ఫాహద్ ప్రస్తుతం ఓ అరడజనుకుపైగా చిత్రాల్లో నటిస్తూ ఫుల్ బీజీగా ఉన్నాడు.