‘మేమ్ ఫేమస్’ మూవీపై ఎస్ఎస్ రాజమౌళి రివ్యూ.. సుమంత్ ప్రభాస్, అంజి మామకు జక్కన్న ప్రశంసలు
యువ హీరో సుమంత్ ప్రభాస్ నటించి దర్శకత్వం వహించిన చిత్రం ‘మేమ్ ఫేమస్’. యూత్ ను బాగా ఆకట్టుకుంటున్న సినిమాపై తాజాగా దర్శకధీరుడు ఎస్ఎస్ రాజమౌళి రివ్యూ ఇచ్చారు.
 )
Followయువ హీరో సుమంత్ ప్రభాస్ (Sumanth Prabhas) ఓవైపు హీరోగా తెలుగు ప్రేక్షకులకు పరిచయం అవుతూనే.. మరోవైపు దర్శకత్వం కూడా వహించారు. యూత్ ను బాగా ఆకట్టుకుంటున్న ఆ చిత్రమే ‘మేమ్ ఫేమస్’ (Mem Famous). ఛాయ్‌ బిస్కెట్‌, లహరి ఫిల్మ్స్ వారు నిర్మించారు. ప్రముఖ గీతా ఆర్ట్స్ డిస్ట్రిబ్యూషన్ తీసుకుంది. మే26న థియేటర్లలోకి వచ్చిన ఈ చిత్రం యూత్ ను బాగా ఆకట్టుకుంటోంది. తొలిచిత్రంతోనే సుమంత్ తన సత్తా చాటాడంటూ సినీ తారలు కూడా ప్రశంసలు కురిపిస్తున్నారు.
ఈ చిత్ర ప్రమోషన్స్ ను ఏ రేంజ్ లో నిర్వహించారో తెలిసిందే. టాలీవుడ్ యంగ్ హీరోలు, డైరెక్టర్లతో తమ సినిమాను క్రేజీగా ప్రమోట్ చేసుకున్నారు. ప్రేక్షకుల్లో మంచి అంచనాలను క్రియేట్ చేశారు. అందుకు తగ్గట్టుగానే థియేటర్లలో ఆకట్టుకుంటుందీ చిత్రం. అయితే ఇప్పటికే ఈ చిత్రంపై సూపర్ స్టార్ మహేశ్ బాబు (Mahesh Babu) రివ్యూ ఇచ్చిన విషయం తెలిసిందే. ఇక తాజాగా జక్కన్న కూడా సినిమా చూసి యూనిట్ ను ప్రశంసించారు.
SS Rajamouli తాజాగా ‘మేమ్ ఫేమస్’ చూసిన సందర్భంగా ట్వీటర్ వేదికన రివ్యూ ఇచ్చారు. అలాగే యువ నటుడు సుమంత్ ప్రభాస్ ను, యూనిట్ పై ప్రశంసలు కురిపించారు. జక్కన్న ట్వీట్ చేస్తూ తనకు సినిమాలో నచ్చిన డైలాగ్ నూ పంచుకున్నారు... ‘చాలా కాలం తర్వాత థియేటర్‌లో ఓ సినిమాని బాగా ఎంజాయ్ చేశాను. సుమంత్ కోసం సినిమా చూడండి. నటుడిగా మరియు దర్శకుడిగా అతనికి మంచి భవిష్యత్తు ఉంది. అన్ని పాత్రలు చక్కగా చూపించారు. నటీనటులు సహజంగా నటించారు. ముఖ్యంగా అంజి మామా అదరగొట్టాడు. ప్రతి ఒక్కరూ చూడండి... యువతని ప్రోత్సహించండి.. ధమ్ ధమ్ చేయొద్దు‘ అని పేర్కొన్నారు. అయితే చిన్న నటీనటులను కూడా జక్కన్న ఇలా ప్రోత్సహించడం గొప్ప విషయం. ఇది వారికి మరింత ఉత్సాహానిస్తుందని చెప్పొచ్చు.
ప్రేక్షకులను మెప్పించడంతో పాటు బాక్సాఫీస్ వద్ద కూడా కాసుల వర్షం కురిపిస్తోంది. మొదటి రోజు ఈ చిత్రానికి రూ.కోటికిపైగా వసూళ్లు వచ్చాయి. మూడురోజుల్లో రూ.3 కోట్ల వరకు కలెక్ట్ చేసింది. చిన్న సినిమాగా వచ్చిన ఈ చిత్రంపై స్టార్స్ కూడా ప్రశంసలు కురిపిస్తుండటం విశేషం. మహేశ్ బాబు తర్వాత ఏకంగా జకన్న కూడా స్పందించడంతో ఆసక్తికరంగా మారింది. ఇదిలా ఉంటే.. రాజమౌళి నెక్ట్స్ మహేశ్ బాబుతో సినిమా తీయబోతున్న విషయం తెలిసిందే. SSMB29 వర్క్ టైటిల్ తో జూన్ లేదా జూలైలో అనౌన్స్ మెంట్ వచ్చే అవకాశం ఉంది. ఇప్పటికే స్క్రిప్ట్ వర్క్ చాలా వరకు పూర్తైనట్టు తెలుస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
