సోనూ నిగమ్ కన్నడ పాట గురించి చేసిన వ్యాఖ్యలపై వివాదం చెలరేగింది. కన్నడ చిత్ర పరిశ్రమ ఆయనపై నిషేధం విధించాలని ఆలోచిస్తోంది. సోనూ వివరణ ఇచ్చినా, వివాదం చల్లారేలా లేదు. ఇంతకీ ఏం జరగబోతోంది?
సోనూ నిగమ్ తన వ్యాఖ్యలతో వివాదంలో చిక్కుకున్నారు. కన్నడ చిత్ర పరిశ్రమ ఆయనపై నిషేధం విధించే అవకాశం ఉంది. ఇటీవల బెంగళూరులో జరిగిన లైవ్ కచేరీలో, కన్నడలో పాట పాడమని అడిగిన వారిపై సోనూ అసహనం వ్యక్తం చేసిన వీడియో వైరల్ అయింది. దీంతో కన్నడ చిత్ర పరిశ్రమ ఆగ్రహం వ్యక్తం చేస్తోంది. సోనూ వివరణ ఇచ్చినప్పటికీ, నిషేధం విధించే అవకాశం ఉందని వార్తలు వస్తున్నాయి.
సోనూ నిగమ్పై కన్నడ చిత్ర పరిశ్రమ నిషేధం?
కర్ణాటక ఫిల్మ్ ఛాంబర్ ఆఫ్ కామర్స్ సమావేశం ఏర్పాటు చేసింది. సంగీత దర్శకుల సంఘం, నిర్మాతల సంఘం, ఇతర ప్రముఖులు ఈ సమావేశంలో పాల్గొంటారు. సోనూ నిగమ్ను కన్నడ చిత్రాలలో పనిచేయకుండా నిషేధించే అవకాశాలపై చర్చించారు. సాధు కోకిల, హరికృష్ణ, అర్జున్ జన్య, ధర్మ విష్ వంటి ప్రముఖులు హాజరయినట్టు తెలుస్తోంది. సోనూ నిగమ్ వ్యాఖ్యలు కన్నడ చిత్ర పరిశ్రమను అవమానించేలా ఉన్నాయని వారు భావిస్తున్నారు.
సోనూ నిగమ్ ఏం అన్నారు?
కన్నడలో పాట పాడమని కోరిన వారితో సోనూ, "ముందు కన్నడలో పాడాను. కానీ ఒకడు మాత్రం 'కన్నడ కన్నడ' అంటూ బెదిరించాడు. ఇదే కదా పహల్గాంలో జరిగింది? ఇదే కదా మీరు చేస్తున్నది? ఎవరన్నారో చూసుకోండి. నేను కన్నడిగులను ప్రేమిస్తాను. ఐ లవ్ యూ ఫ్రెండ్స్" అని అన్నారు. ఈ వీడియో వైరల్ అవ్వడంతో సోనూపై విమర్శలు వెల్లువెత్తాయి. బెంగళూరులోని అవలాహళ్లి పోలీస్ స్టేషన్లో కన్నడిగుల మనోభావాలను దెబ్బతీశారని ఆరోపిస్తూ ఎఫ్ఐఆర్ నమోదైంది.
Related Articles
సోనూ నిగమ్ వివరణ
వివాదంపై సోనూ ఇన్స్టాగ్రామ్లో వీడియో విడుదల చేసి వివరణ ఇచ్చారు. కొంతమంది తనను కన్నడలో పాడమని బెదిరించారని, కొంతమంది చేసిన పనికి మొత్తం కమ్యూనిటీని నిందించవద్దని కోరారు.
