తల్లి కాబోతుందంటూ వార్తలు.. ఘాటుగా స్పందించిన చిన్మయి
తల్లికాబోతుందంటూ వార్తలు గుప్పుమన్నాయి. సోషల్‌ మీడియాలో చిన్మయి ప్రెగ్నెంట్‌ అంటూ వార్తలొస్తున్న నేపథ్యంలో తాజాగా ఆమె స్పందించి ఖండించింది.
`మీటూ` ఉద్యమంతో ఒక్కసారిగా పాపులర్‌ అయిన చిన్మయి శ్రీపాద గాయనిగా, డబ్బింగ్‌ ఆర్టిస్టుగా రాణిస్తున్న విషయం తెలిసిందే. తాజాగా ఆమె తల్లికాబోతుందంటూ వార్తలు గుప్పుమన్నాయి. సోషల్‌ మీడియాలో చిన్మయి ప్రెగ్నెంట్‌ అంటూ వార్తలొస్తున్న నేపథ్యంలో తాజాగా ఆమె స్పందించి ఖండించింది. నటుడు, దర్శకుడు రాహుల్‌ రవీంద్రన్‌ భార్య అయిన చిన్మయి తాజాగా ప్రగ్నెంట్‌ రూమర్స్ పై ఘాటుగా స్పందించింది. ఇలాంటి రూమర్స్ పై స్పందించి విసిగిపోయానని తెలిపింది.
`ఇటీవల మా మరిది వివాహం ఎంతో వేడుకగా జరిగింది. వేడుకకు సంబంధించిన కొన్ని ఫొటోలను నా భర్త రాహుల్‌ ఇన్‌స్టా వేదికగా అభిమానులతో పంచుకున్నారు. ఆ ఫొటోల్లో నన్ను చూసి చాలామంది నేను తల్లికాబోతున్నానని అనుకున్నారు. కొన్ని యూట్యూబ్‌ ఛానెల్స్ అయితే ప్రత్యేకంగా వీడియోలు కూడా సృష్టించేశాయి. అయితే నేను చెప్పేది ఏమిటంటే.. నేను తల్లి కాబోతున్నానంటూ వస్తోన్న వార్తల్లో ఎలాంటి నిజం లేదు. నేను గర్భవతిని కాదు. అలాగే, నా వ్యక్తిగత జీవితానికి సంబంధించిన ప్రైవేట్‌ విషయాలను ఇతరులతో పంచుకోవడం నాకు ఇష్టం లేదు.
సోషల్‌మీడియా ఖాతాలు ఉన్నప్పటికీ వాటిల్లో ఎక్కడా నా విషయాలు చెప్పను. నిజం చెప్పాలంటే నా బెస్ట్‌ ఫ్రెండ్స్‌ ఎవరో కూడా కొంతమందికి తెలీదు. భవిష్యత్తులో కూడా నా ప్రెగ్నెన్సీ, నాకు పుట్టబోయే పిల్లల గురించి చెప్పాలనిపిస్తే చెప్తా. లేదంటే లేదు. ఎందుకంటే అది మా వ్యక్తిగత విషయం. కాబట్టి ఇప్పటికైనా మీరు నాపై పుకార్లు సృష్టించడం మానేస్తే మంచిది. ఇలాంటి పుకార్ల వల్ల నేను పూర్తిగా అలసిపోయా` అని చిన్మయి పోస్ట్‌ పెట్టారు. ఇక వృత్తిపరమైన జీవితం విషయానికి వస్తే దక్షిణాదిలో స్టార్‌ సింగర్‌గా రాణిస్తున్న చిన్మయి.. సుమారు రెండేళ్ల క్రితం వైరముత్తుపై మీటూ ఆరోపణలు చేశారు. దాంతో ఆమెపై కోలీవుడ్‌ ఇండస్ట్రీలో బ్యాన్ విధించారు. అయినప్పటికీ తన పోరాటాన్ని ఆపడం లేదు చిన్మయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
