మూడు రోజుల్లో శంకర్ సినిమా విడుదల.. అడ్వాన్స్ బుకింగ్స్ ఓపెన్
విక్రమ్, శంకర్ కాంబినేషన్లో వచ్చిన `అపరిచితుడు` మూవీ అప్పట్లో సంచలన విజయం సాధించింది.ఇప్పుడు మరోసారి మ్యాజిక్ చేయడానికి వస్తుంది. రీ రిలీజ్ అవుతుంది.
ఇండియన్ సెన్సేషన్ డైరెక్టర్ శంకర్. పాన్ ఇండియా సినిమాల జోరు ఇప్పుడు సాగుతుంది. కానీ ఆయన ఎప్పుడో చూశాడు. `ఇండియన్`, `శివాజీ`, `రోబో`తోపాటు `అపరిచితుడు` చిత్రాలు చేశాడు. ఆయా సినిమాలు ఇతర భాషల్లోనూ డబ్ అయి ఆదరణ పొందాయి. విజయాలు సాధించాయి. ఇప్పుడు `ఇండియన్ 2`, `గేమ్ ఛేంజర్` వంటి పాన్ ఇండియా మూవీస్తో బిజీగా ఉన్నాడు శంకర్. ఈ క్రమంలో ఆయన సినిమా థియేటర్లోకి రాబోతుండటం విశేషం.
శంకర్ బిగ్గెస్ట్ బ్లాక్ బస్టర్స్ లో `అపరిచితుడు` ఒకటి. విక్రమ్ హీరోగా నటించిన ఈ చిత్రంలో సదా హీరోయిన్గా నటించగా, ప్రకాష్ రాజ్ పోలీస్గా నెగటివ్ రోల్ చేశారు. సమాజంలో అవినీతి, లంచగొండి తనం, వ్యవస్థలో లోపాలపై ఈ చిత్రాన్ని రూపొందించారు శంకర్. 2005లో వచ్చిన ఈ చిత్రం సంచలన విజయాన్ని సాధించింది. 20కోట్లతో రూపొంది ఏకంగా అరవై కోట్లు వసూలు చేసింది. శంకర్ టేకింగ్, విక్రమ్ నటన, సదా అందాలు సినిమాకి హైలైట్గా నిలిచాయి.
చారిగా, రెమోగా, అపరిచితుడిగా మూడు పాత్రల్లో విక్రమ్ యాక్టింగ్ చూస్తే మతిపోవాల్సిందే. ఓ రకంగా విశ్వరూపం చూపించారని చెప్పాలి. దీంతోపాటు హరీష్ జై రాజ్ మ్యూజిక్ మరో అసెట్. పాటలన్నీ సూపర్ హిట్ అయ్యాయి. ఇరవై ఏళ్ల క్రితం సంచలనాలు సృష్టించిన ఈ మూవీ ఇప్పుడు మళ్లీ అలరించేందుకు వస్తుంది. థియేటర్లలో రిలీజ్ కానుంది. ఇటీవల సినిమాల రీ రిలీజ్ ట్రెండ్ నడుస్తున్న నేపథ్యంలో `అపరిచితుడు` మూవీని మళ్లీ థియేటర్లోకి తీసుకువస్తున్నారు. ఈ నెల 17న ఈ మూవీని విడుదల చేయబోతున్నారు. తెలుగు, తమిళంలో రీ రిలీజ్ చేస్తున్నారు.
మూడో మూడు రోజుల్లో ఈ చిత్రం థియేటర్లలో విడుదల కాబోతుంది. దీంతో అడ్వాన్స్ బుకింగ్ని ఓపెన్ చేశారు. దీనికి విశేష స్పందన లభిస్తుందని తెలుస్తుంది. తెలుగు రాష్ట్రాల్లో ఎన్నికలు కావడంతో ఆడియెన్స్ సినిమాల వైపు చూస్తున్నారు. దీంతో ఈ శుక్రవారం రీ రిలీజ్ కాబోతున్న `అపరిచితుడు`కి బుకింగ్స్ లో మంచి రెస్పాన్స్ ఉందని టీమ్ తెలియజేయడం విశేషం. మరి ఏ స్థాయిలో ఆదరణ పొందుతుంది? ఆ మ్యాజిక్ రిపీట్ అవుతుందా అనేది చూడాలి.