హాస్యనటుడు షకలక శంకర్‌ హీరోగా తనకంటూ గుర్తింపు తెచ్చుకునేందుకు ప్రయత్నిస్తున్నారు. పవన్‌ కళ్యాణ్‌ మేనరిజంతో అటు హాస్యం, ఇటు యాక్షన్‌ మేళవిస్తూ హీరోగా రాణిస్తున్నారు. తాజాగా మరోసారి హీరోగా తన లక్‌ని పరీక్షించుకోబోతున్నారు. ప్రస్తుతం ఆయన `కార్పోరేటర్‌` చిత్రంలో నటిస్తున్నారు. ప్రస్తుతం హైదరాబాద్‌లో జీహెచ్‌ఎంసీ ఎన్నికలు జరుగుతున్న సమయంలో షకలక శంకర్‌ `కార్పోరేటర్‌` పేరుతో సినిమా చేయడం ఆసక్తి నెలకొంది. తన రాజకీయాల్లో రూల్స్ లేవని శంకర్‌ టీషర్ట్ పై ఉండటం ఆకట్టుకుంటోంది.

ఈ సందర్భంగా ఈ చిత్ర ఫస్ట్ లుక్‌ పోస్టర్‌ని విడుదల చేశారు. ఇందులో విజయవాడ మున్సిపల్ కార్పోరేషన్‌ అని ఉంది, అంటే ఈ సినిమా విజయవాడ బ్యాక్‌డ్రాప్‌లో, అక్కడి షకలక శంకర్‌ రాజకీయాల ప్రధానంగా ఈ సినిమా సాగుతుందని అర్థమవుతుంది. ఇందులో శంకర్‌ టైటిల్‌ పాత్ర పోషిస్తున్నారట. ఇక ఈ చిత్రానికి సంజయ్‌ పూనూరి దర్శకత్వం వహిస్తున్నారు. సమీప మూవీస్-ఎయు అండ్ ఐ స్టూడియోస్ పతాకాలపై ఎ.పద్మనాభరెడ్డి నిర్మిస్తున్నారు. ఎస్.వి.మాధురి సహ నిర్మాతగా వ్యవహరిస్తున్నారు. 

`ఈ చిత్రం రెండు పాటలు మినహా షూటింగ్ పూర్తి చేసుకుంది.  కార్పొరేషన్ ఎలక్షన్స్ బ్యాక్ డ్రాప్ లో.. 5 పాటలు,  4 ఫైట్స్ కలిగిన రెగ్యులర్ ఫార్మట్ లోనే వినోదానికి పెద్ద పీట వేస్తూ తెరకెక్కుతున్న ఈ చిత్రంలో అంతర్లీనంగా ఒక మంచి సందేశం ఉంటుందని, శంకర్ పెర్ఫార్మెన్స్ 'కార్పొరేటర్' చిత్రానికి ప్రధాన ఆకర్షణగా నిలుస్తుందని దర్శకుడు డాక్టర్ సంజయ్ చెప్పారు. 

శంకర్ సరసన సునీత పాండే, లావణ్య శర్, కస్తూరి హీరోయిన్లుగా నటిస్తున్నారు. ఈ చిత్రానికి పీఆర్‌ఓ దీరజ అప్పాజీ, యాక్షన్ః వింగ్‌ చున్‌ అంజి, డాన్స్ః సూర్య కిరణ్‌, వెంకట్‌ దీప్‌, ఎడిటింగ్ః శివ శర్వాణి, కెమెరాః జగదీష్‌ కొమరి, సంగీతంః ఎం.ఎల్‌.పి. రాజా. సహనిర్మాతః డాక్టర్‌ ఎస్.వి.మాధురి, నిర్మాతః సహ నిర్మాత: డాక్టర్ ఎస్.వి.మాధురి, నిర్మాత: ఎ.పద్మనాభరెడ్డి, కథ-స్క్రీన్ ప్లే-మాటలు-దర్శకత్వం: సంజయ్ పూనూరి.