సంపూర్ణేష్‌బాబు రచ్చ నెక్ట్స్ లెవల్‌.. `మార్టిన్ లూథర్ కింగ్` వచ్చేది అప్పుడే?
బర్నింగ్‌ స్టార్‌ సంపూర్నేష్‌ బాబు కొంత గ్యాప్‌తో ఇప్పుడు భారీ చిత్రంతో వస్తున్నారు. ఆయన `మార్టిన్ లూథర్ కింగ్` అనే పొలిటికల్‌ సెటైరికల్‌ మూవీ చేశారు. దీని రిలీజ్‌ డేట్‌ ఫిక్స్ అయ్యింది.
సంపూర్ణేష్‌బాబు కామెడీ చిత్రాలతో అలరించాడు. తాను సీరియస్‌ పాత్రలే చేసినా ఆడియెన్స్ కి మాత్రం అవి నవ్వులు పూయించాయి. ఆయన డైలాగ్‌ డెలివరీ, భారీ డైలాగులు, యాక్షన్‌ అన్నీ నవ్వులు పంచాయి. దీంతో ఆయనకు బర్నింగ్‌ స్టార్‌ అనే ట్యాగ్‌ని కూడా తగిలించారు. అయితే సంపూర్ణేష్‌బాబు ఇప్పుడు సీరియస్‌ కంటెంట్‌ వైపు టర్న్‌ తీసుకుంటున్నారు. కెరీర్‌ని సీరియస్‌గా తీసుకుంటున్నారు. నటుడిగా, హీరోగా నెక్ట్స్ లెవల్‌కి వెళ్లేందుకు గట్టి ప్రయత్నం చేస్తున్నారు.
ఈ క్రమంలో ఇప్పుడు సంపూర్ణేష్‌బాబు `మార్టిన్ లూథర్ కింగ్` అనే భారీ టైటిల్‌తో వస్తున్నారు. ఈ చిత్రానికి పూజ కొల్లూరు దర్శకత్వం వహించగా, వైనాట్ స్టూడియోస్, రిలయన్స్ ఎంటర్‌టైన్‌మెంట్ సమర్పణలో మహాయాన మోషన్ పిక్చర్స్ నిర్మిస్తుంది. ఇందులో సంపూర్ణేష్ బాబుతోపాటు వి.కె. నరేష్, శరణ్య ప్రదీప్ ముఖ్య పాత్రలు పోషిస్తున్నారు. వినోద ప్రధానంగా రూపొందిన ఈ రాజకీయ వ్యంగ్య చిత్రం టీజర్ గాంధీ జయంతి రోజున విడుదలై ఆకట్టుకుంది. సినిమాపై అంచనాలను పెంచింది. తెలుగు సినిమాలలో ఇదో కొత్త అనుభూతిని ఇస్తోంది. అలాగే ఈ చిత్రంలో సంపూర్ణేష్ బాబు నటుడిగా ఆకర్షణీయమైన ఓ కొత్త పాత్రలో అలరించనున్నారు.
ఇక సినిమాకి గత కొన్ని రోజులుగా స్పెషల్‌ ప్రీమియర్స్ ని ఆడియెన్స్ కి ప్రదర్శిస్తున్నారు. దానికి విశేష స్పందన లభిస్తుంది. ఆడియెన్స్ నుంచి పాజిటివ్‌ రియాక్షన్ వస్తుంది. దీంతో టీమ్‌ నమ్మకంతో ఉంది. దీంతో రిలీజ్‌ డేట్‌ని ఫైనల్‌ చేశారు. అక్టోబర్ 27న విడుదల చేయబోతున్నట్టు ప్రకటించారు. ఈ సందర్భంగా టీమ్‌ చెబుతూ, అక్టోబర్ 9 నుండి ఆంధ్రప్రదేశ్, తెలంగాణ పర్యటనను ప్రారంభించాం. విశాఖపట్నం, విజయవాడ, నెల్లూరు, కర్నూలు, వరంగల్ వంటి నగరాల్లో ముందస్తు ప్రీమియర్ షోలను ప్రదర్శించాం. ఈ ప్రీమియర్‌లకు ప్రేక్షకుల నుంచి విశేషమైన స్పందన లభిస్తోంది. ప్రేక్షకులు ఎంతో ఆసక్తిగా ఎదురుచూస్తున్న ఈ చిత్ర థియేట్రికల్ ట్రైలర్ అక్టోబర్ 18న విడుదల చేయనున్నాం. అలాగే ఆ వారాంతంలో విడుదలవుతున్న భారీ చిత్రాలతో పాటుగా అక్టోబర్ 19 నుండి ఆంధ్రప్రదేశ్, తెలంగాణలోని 400 థియేటర్లలో ట్రైలర్ ప్రదర్శించబడుతుంది` అని తెలిపారు.
'మార్టిన్ లూథర్ కింగ్' ఒక స్థానిక చెప్పులు కుట్టే వ్యక్తి యొక్క కథ. అతను నివసించే గ్రామంలో ఎన్నికలు వస్తాయి. ఇద్దరు ప్రత్యర్థులు ఎలాగైనా గెలవాలని పోటీ పడతారు. అయితే ఆ ఎన్నికలలో అతని ఓటు, గెలుపుని నిర్ణయించే ఓటు కావడంతో ఒక్క రాత్రిలో అతని జీవితం మలుపు తిరుగుతుంది. మరి ఆ రాత్రి ఏం జరిగిందనేది సినిమా. ఇందులో సంపూర్ణేష్‌బాబు రచ్చ నెక్ట్స్ లెవల్‌లో ఉంటుందని చెబుతున్నారు. `మార్టిన్ లూథర్ కింగ్` సినిమాని ప్రముఖ నిర్మాత దిల్ రాజు శ్రీ వెంకటేశ్వర క్రియేషన్స్ రెండు తెలుగు రాష్ట్రాల్లో పంపిణీ భాగస్వామిగా వ్యవహరిస్తుంది. ఏపీ ఇంటర్నేషనల్ ఓవర్సీస్ పంపిణీ భాగస్వామిగా ఉంటుందన్నారు నిర్మాతలు.
తారాగణం: సంపూర్ణేష్ బాబు, వి.కె. నరేష్, శరణ్య ప్రదీప్, వెంకటేష్ మహా
దర్శకత్వం: పూజ కొల్లూరు
నిర్మాతలు: ఎస్. శశికాంత్, చక్రవర్తి రామచంద్ర
క్రియేటివ్ ప్రొడ్యూసర్: వెంకటేష్ మహా
కథ: మడోన్ అశ్విన్
స్క్రీన్ ప్లే, డైలాగ్స్: వెంకటేష్ మహా
డీఓపీ: దీపక్ యరగెరా
ఎడిటర్: పూజ కొల్లూరు
సంగీతం: స్మరణ్ సాయి
ప్రొడక్షన్ డిజైనర్: రోహన్ సింగ్
కాస్ట్యూమ్ డిజైనర్: జి.ఎన్.ఎస్. శిల్ప
