చైతు ఓ మంచి తండ్రి.. సమంత కితాబు!
అక్కినేని సమంత నటించిన 'ఓ బేబీ' సినిమా జూలై 5న ప్రేక్షకుల ముందుకు రావడానికి సిద్ధమవుతోంది.
అక్కినేని సమంత నటించిన 'ఓ బేబీ' సినిమా జూలై 5న ప్రేక్షకుల ముందుకు రావడానికి సిద్ధమవుతోంది. దీంతో చిత్రబృందం ప్రమోషన్స్ తో బిజీగా గడుపుతోంది. సమంత వీలైనన్ని ఇంటర్వ్యూలలో పాల్గొంటూ తన సినిమాను ప్రమోట్ చేసుకుంటుంది.
ఈ క్రమంలో సినిమా గురించి ఎన్నో విషయాలను షేర్ చేస్తోంది.. దర్శకురాలు నందిని రెడ్డి తనకు సోదరి లాంటిదని తనను ఎంతగానో నమ్ముతానని చెప్పింది. ఇప్పటివరకు తను పోషించిన పాత్రలలో 'ఓ బేబీ' రోల్ ది బెస్ట్ అని చెప్పింది. అంతేకాదు.. తనకు ఈ సినిమా ఎంతో ఛాలెంజింగ్ గా అనిపించిందని వెల్లడించింది.
రాజేంద్రప్రసాద్ నుండి కామెడీ టైమింగ్ నేర్చుకున్నానని, ఈ సినిమాకు అది ఎంతగానో ఉపయోగపడిందని చెప్పుకొచ్చింది. సినిమాలో నాగశౌర్య పాత్ర హైలైట్ ఉంటుందని.. ఆ రోల్ అంగీకరించిన శౌర్యకి కృతజ్ఞతలు చెప్పింది.
ఇక తన వ్యక్తి గత విషయాల గురించి మాట్లాడుతూ.. తన భర్త నాగచైతన్యపై ప్రశంసలు కురిపించింది. చైతు మంచి భర్త అని.. ఓ మంచి తండ్రి కూడా అవుతాడనే నమ్మకం ఉందని తెలిపింది. 'ఏ మాయచేసావే' సినిమాకి ఇప్పటికీ చైతులో ఫోకస్ బాగా పెరిగిందని.. బాధ్యత కూడా పెరిగిందని చెప్పుకొచ్చింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
