నా కొడుకు...అలా చేశాడు. నాకు సంబంధం లేదు

టచ్ చేసి చూడుతో ప్రేక్షకుల ముందుకొస్తున్న రవితేజ
ఫుల్ పవర్ ప్యాక్డ్ యాక్షన్ మూవీ టచ్ చేసి చూడు
ఈ మూవీ విశేషాలు మీడియాతో పంచుకున్న రవితేజ

raviteja interview about touch chesi chudu

మాస్ మహా రాజ్ రవితేజ ‘రాజా ది గ్రేట్’ సినిమాతో మళ్లీ ఫామ్‌లోకొచ్చేశాడు. ఇక ‘టచ్ చేసి చూడు’ అనే పవర్ ఫుల్ టైటిల్ తో మరోసారి ప్రేక్షకుల ముందుకొస్తున్నాడు రవితేజ. రాశీఖ‌న్నా, సీర‌త్ క‌పూర్ హీరోయిన్లుగా.. బేబీ భవ్య సమర్పణలో లక్ష్మీ నరసింహ ప్రొడక్షన్స్ పతాకంపై నల్లమలుపు శ్రీనివాస్ (బుజ్జి) , వల్లభనేని వంశీ సంయుక్తంగా ‘టచ్ చేసి చూడు’ చిత్రాన్ని నిర్మిస్తున్నారు. ఈ మూవీతో విక్రమ్ సిరికొండ ద‌ర్శ‌కుడిగా ప‌రిచ‌య‌ం అవుతున్నాడు. ఫిబ్ర‌వ‌రి 2న సినిమా విడుదలవుతున్న సందర్భంగా ఈ మూవీ విశేషాలు మీడియాతో పంచుకున్నారు రవితేజ. ఇంతకీ రవితేజ ఏం చెప్పారు... ఆ వివరాలు మీ కోసం…

‘టచ్ చేసి చూడు’ ఎందుకు చూడాలి?

ఈ చిత్రంలో యాక్షన్, లవ్, ఎమోషన్, ఎంటర్‌టైన్‌మెంట్ వంటి అన్ని అంశాలు ఉంటాయన్నారు. ఒక్క మాటలో చెప్పాలంటే యూత్, ఫ్యామిలీస్‌ అందర్నీ ఆకట్టుకును ప్యాకేజ్డ్ మూవీ మా ‘టచ్ చేసి చూడు’ అన్నారు. తాను గతంలో పోలీస్ అఫీసర్‌గా చేశానని అయితే ఇది ఆ చిత్రాలకు భిన్నంగా ఉంటుందన్నారు.

సంఖ్యతో నిమిత్తం లేదు..

నాకు ఏడాదిలో ఇన్ని చిత్రాల్లో నటించాలనే నియమం ఏమీ లేదు. కథలను బట్టి వీలైనన్ని చిత్రాలు చేస్తా. అయితే గతంలో తాను ఒక ఏడాది మాత్రమే గ్యాప్ తీసుకున్నానని.. కాని నా గత చిత్రం విడుదల తేదీని గుర్తుపెట్టుకుని చాలా మంది రెండేళ్లు గ్యాప్ అంటున్నారని అది కరెక్ట కాదన్నారు.

హిందీలో నటిస్తా..

ఉత్తరాదిలో ఏదైనా ఫంక్షన్‌లకు హాజరైనప్పుడు అక్కడ నా సినిమాలు చూసిన ప్రేక్షకుల ప్రేమాభిమానాలు నన్నెంతో ఆశ్యర్యానికి గురిచేశాయి. తప్పకుండా హిందీలో అవకాశం వస్తే నటిస్తా.

మల్టీస్టారర్ చేస్తా..

మల్టీ స్టారర్ సినిమాలు చేసేందుకు నేను రెడీ. ఎవరితోనైనా చేయడానికి నాకెలాంటి సమస్య లేదు. అయితే ఇంతవరకూ నా దగ్గరకు మల్టీస్టారర్ కథ రాలేదు. కథ నచ్చితే ఎప్పుడైనా నేను సిద్ధమే.

దర్శకుడిగా ఇంట్రస్ట్ ఉంది..

నేను మొదట దర్శకత్వ శాఖ నుండే హీరోగా మారాను.. అయితే ఎప్పటికైనా దర్శకత్వం వహించాలన్న ఆలోచనైతే ఉంది. ప్రస్తుతం ఆర్టిస్టుగా ఎంజాయ్ చేస్తున్నానని అందుకే ఇప్పట్లో దర్శకత్వం గురించి ఆలోచించడం లేదన్నారు. అయితే ఫ్యూచర్‌లో తప్పకుండా డైరెక్షన్ చేస్తా... అయితే ఆ చిత్రంలో నేను మాత్రం నటించను.

నా ఆటో‌గ్రాఫ్ ఇప్పుడొస్తే.. సూపర్ హిట్...

ఆటోగ్రాఫ్ ఇప్పుడు విడుద‌లై ఉంటే త‌ప్ప‌కుండా హిట్ అయ్యేదేమో, అప్పటికీ ఇప్పటికీ ఆడియన్స్ మైండ్ సెట్ చాలా మారింది. ఈ మధ్య అలాంటి కొన్ని స్క్రిప్ట్స్ విన్నాను, వీలైతే తప్పకుండా అలాంటి సినిమా చేస్తాను.

నా కొడుకు నాకంటే బాగా చేశాడన్నారు...

నా కొడుకు మహాధన్ బాగా నటిస్తాడు. ‘రాజా ది గ్రేట్‌’లో మ‌హాధ‌న్‌ని ప‌రిచ‌యం చేసింది నేను కాదు, దర్శకుడు అనిల్. అతడు అడగటం వల్లే నటించాడు. చాలా బాగా చేశాడు. కొంత‌మందయితే నీక‌న్నా బాగా చేశాడు అని కూడా అన్నారు. అలా చేశాడు మరి.

తదుపరి ప్రాజెక్ట్స్...

‘టచ్ చేసి చూడు’ చిత్రం తరువాత కళ్యాణ్ క్రిష్ణ దర్శకత్వంలో వర్క్ చేస్తున్నా. ప్రస్తుతం ఈ మూవీ 25 శాతం పూర్తైంది. తర్వాత శ్రీను వైట్ల దర్శకత్వంలో పనిచేస్తున్నా అన్నారు రవితేజ.