బాలీవుడ్ బ్యూటీలను వెదుకుతున్న రాజమౌళి

First Published 14, Dec 2017, 12:31 PM IST
Rajamouli to rope in bollywood beauties to pair with Ramcharan and NTR
Highlights

 బాలివుడ్ వైపు చూస్తున్న  రాజమౌళి

బాహుబలి వంటి ప్రతిష్టాత్మక చిత్రం తరువాత రాజమౌళి ఎవరితో సినిమా చేస్తారనే విషయంలో ఇటీవల స్పష్టత వచ్చిన సంగతి తెలిసిందే. ఎన్టీఆర్-రామ్ చరణ్ హీరోలుగా మల్టీస్టారర్ సినిమా ప్లాన్ చేస్తున్నాడు దర్శకధీరుడు. ఈ విషయాన్ని మొన్నామధ్య ఓ ఇంటర్వ్యూలో సాయి ధరం తేజ్ కూడా వెల్లడించాడు. ప్రస్తుతం ఈ సినిమాకు సంబంధించిన పనులు జరుగుతున్నాయి. సినిమాలో మిగిలిన తారలను ఎంపిక చేసే పనిలో పడ్డాడు రాజమౌళి. ముందుగా హీరోయిన్లను ఎంపిక చేయనున్నాడు. ఒక హీరోయిన్ గా అను ఎమ్మాన్యూయల్ ను తీసుకున్నట్లు వార్తలు వినిపించాయి. కానీ ఆ వార్తల్లో నిజం లేదని తెలుస్తోంది. 

బాహుబలి సినిమా తరువాత రాజమౌళి పేరు, ప్రఖ్యాతలు మరింత పెరిగాయి. దేశవ్యాప్తంగా ఆయనకు గుర్తింపు పెరిగింది. దీంతో అతడి తదుపరి చిత్రాలు కూడా ఇతర భాషల్లో విడుదల చేయాలని నిర్ణయించుకున్నారు. చరణ్-ఎన్టీఆర్ ల సినిమాను కూడా అదే ఆలోచనతో తెరకెక్కించడానికి ప్రయత్నాలు చేస్తున్నారు. దీనికి తగ్గట్లుగా సినిమాకు క్రేజ్ తీసుకురావడానికి ఈ ఇద్దరు హీరోల సరసన బాలీవుడ్ హీరోయిన్లను తీసుకోవాలని అనుకుంటున్నాడు రాజమౌళి. ఆ విధంగా సినిమాకు హిందీలో మార్కెట్ పెరుగుతుందని భావిస్తున్నాడు. దాదాపు 150 కోట్ల బడ్జెట్ తో ఈ సినిమా తెరకెక్కనుంది. 

loader