దర్శకధీరుడు రాజమౌళి తనయుడు కార్తికేయకి ఇటీవలే నిశ్చితార్ధం జరిగింది. త్వరలోనే పెళ్లిపీటలు ఎక్కబోతున్నాడు. ఈ విషయాలు పక్కన పెడితే కార్తికేయ కూడా తన 
తండ్రి సినిమాలకు పని చేస్తుంటాడు.

బాహుబలి సినిమా కోసం తన వంతు బాధ్యతలు నిర్వర్తించాడు. మరోపక్క వ్యాపారాలు కూడా చేస్తుంటాడు. ఇటీవలే నాగచైతన్య నటించిన 'యుద్ధం శరణం' సినిమాకు నిర్మాణ వ్యవహారాలు దగ్గరుండి చూసుకున్నాడు. ఇప్పుడు ఆయనే స్వయంగా నిర్మాతగా మారిపోయాడు.

రాజమౌళి దగ్గర చాలా కాలంగా పనిచేస్తోన్న ఓ అసోసియేట్ ని దర్శకుడిగా పెట్టి సినిమా తీస్తున్నాడు. దీనికి 'ఆకాశవాణి' అనే పేరుని కూడా ఫైనల్ చేశారట. సినిమా కాస్టింగ్ దగ్గర నుండి ప్రతీ పని చాలా సైలెంట్ గా జరిగేలా చూసుకుంటున్నారు.

సినిమా మొత్తం పూర్తయిన తరువాత వివరాలు బయటకి చెప్పాలని నిర్ణయించుకున్నారట. గతంలో దర్శకత్వశాఖలో పని చేసిన అనుభవంతో మంచి కథని ఎన్నుకొని సినిమాను నిర్మిస్తున్నట్లు తెలుస్తోంది.