ఒలంపిక్స్ లో పరుగులు తీయనున్న ప్రియాకంచోప్రా
- బాలీవుడ్ లో మరో బయోపిక్
- పరుగుల రాణి పీటీ ఉషా జీవిత కథ ఆధారంగా సినిమా
- లీడ్ రోల్ లో ప్రియాంక చొప్రా నటించే అవకాశం
బాలీవుడ్ నుంచి హాలీవుడ్ కి ఎదిగి ఇంటర్నేషనల్ స్టార్ గా మారిన నటి ప్రియాంక చోప్రా. ఇటు బాలీవుడ్ చిత్రాలతోనూ, హాలీవుడ్ లో టీవీ సిరీస్, సినిమాలతో బిజీ బిజీగా ఉన్న ప్రియాంక చోప్రా.. త్వరలో ఒలంపిక్స్ లో పాల్గొననుంది. ప్ర్రియాంక చొప్రా.. ఒలంపిక్ గేమ్స్ లో పాల్గొనడం ఏమిటబ్బా అనుకుంటున్నారా?
పరుగులు రాణి పీటీ ఉషా గుర్తుండే ఉంటుంది. ఆమె జీవిత కథ ఆధారంగా బాలీవుడ్ లో ఓ సినిమా తెరకెక్కుతోంది. ఈ సినిమాలో పీటీ ఉషా పాత్రలో ప్రియాంక చోప్రా నటించనున్నట్లు సమాచారం. పీటీ ఉషా ఒలంపిక్స్ పరుగు పందెంలో పాల్గొని భారత్ కి స్వర్ణాన్ని తెచ్చిపెట్టిన సంగతి తెలిసిందే. మరి ఆమె బయోపిక్ ని తెరమీదకు ఎక్కించినప్పుడు.. ఆ ఒలంపిక్ గేమ్స్ కూడా ఉంటాయి కదా. అంటే.. ప్రియాంక చొప్రా.. పరుగులు తీయాల్సిందే కదా. కాకపోతే.. ఇంకా ప్రియాంక ఈ సినిమాలో నటించేందుకు తన అంగీకారం తెలుపలేదని సమాచారం.
ఈ సినిమాకి రేవతి ఎస్ వర్మ దర్శకత్వం వహించనున్నారు. పీటీ ఉషా పాత్రలో ప్రియాంక అయితే.. చక్కగా సరిపోతుందని ఆమె భావించారట. వెంటనే ప్రియాంకను సంప్రదించారట. ప్రస్తుతం ప్రియాంక బిజీ బిజీ గా ఉండటంతో.. అంగీకారాన్ని త్వరలోనే చెబుతానని చెప్పిందట. ఇప్పటికే ప్రియాంక.. బాక్సర్ మేరీ కోమ్ బయోపిక్ లో నటించిన సంగతి తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
