ప్రెగ్నెంట్ హీరోయిన్ కోసం బాలయ్య ప్రయత్నాలు..?
టాలీవుడ్ లో సీనియర్ హీరోలకు హీరోయిన్లు దొరకడం కష్టంగా మారిన సంగతి తెలిసిందే.
టాలీవుడ్ లో సీనియర్ హీరోలకు హీరోయిన్లు దొరకడం కష్టంగా మారిన సంగతి తెలిసిందే. వారికి తగ్గ జోడీ కోసం చాలా ప్రయత్నాలు చేస్తున్నారు. ఇప్పుడు బాలయ్యకి కూడా ఇలాంటి పరిస్థితే ఎదురైంది. కెఎస్ రవికుమార్ దర్శకత్వంలో బాలకృష్ణ హీరోగా ఓ సినిమా చేయనున్నారు.
ఇటీవలే పూజా కార్యక్రమాలు కూడా మొదలయ్యాయి. ఇందులో హీరోయిన్ గా నటి సమీరా రెడ్డిని తీసుకోవాలని ప్లాన్ చేస్తున్నారట. గతంలో 'అశోక్', 'జై చిరంజీవ' వంటి సినిమాల్లో నటించిన ఈ బ్యూటీ పెళ్లి చేసుకొని సెటిల్ అయిపోయింది.
ప్రస్తుతం ఆమె ప్రెగ్నెంట్. తన రెండో బిడ్డకు జన్మనివ్వడానికి సిద్ధంగా ఉన్నారు. అయితే తాను సినిమా ఇండస్ట్రీకి దూరం కాలేదని అవకాశాల కోసం చూస్తున్నానని ఇటీవల సమీరా చెప్పుకొచ్చింది. ఈ క్రమంలో ఆమెని బాలయ్య సినిమాలో తీసుకోవాలని ప్లాన్ చేస్తున్నారు.
ప్రస్తుతం సమీరా ఉన్న పరిస్థితిలో బిడ్డకు జన్మనిచ్చిన తరువాత కనీసం మూడు, నాలుగు నెలలు రెస్ట్ తీసుకోవాల్సివుంటుంది. మరి ఏ విధంగా ఆమెని హీరోయిన్ గా కన్సిడర్ చేస్తున్నారనే విషయంలో క్లారిటీ లేదు. కానీ చిత్రబృందం నుండి ఆమె ఫోన్ వచ్చినట్లు.. కాల్షీట్స్ గురించి అడిగినట్లు తెలుస్తోంది. మరోపక్క శ్రియా, మెహ్రీన్, తమన్నా లాంటి వారిని కూడా సంప్రదిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
