తమిళ స్టార్ నటులు ప్రభుదేవా, వడివేలు చాలా కాలం తరువాత కలుసుకున్నారు. నవ్వులు పూయిస్తూ.. సందడి చేవారు. పాటలు పాడుతూ హడావిడి చేశారు. మంచి స్నేహితులైన వీరు.. ఎప్పుడు.. ఎక్కడ..? కలుసుకున్నారు.
ప్రభుదేవా, వడివేలు చాలా కాలం తర్వాత కలుసుకున్నారు. వీరిద్దరూ ఎప్పటి నుంచో మంచి స్నేహితులు అన్న విషయం తెలిసిందే. చాలా తమిళ సినిమాల్లో వీరు సందడి చేవారు. మరీ ముఖ్యంగా... 1994లో వీరిద్దరూ కలిసి నటించిన ప్రేమికుడు సినిమా బ్లాక్ బస్టర్ హిట్ కొట్టిన సంగతి ప్రత్యేకంగా చెప్పనక్కర్లేదు.
వడివేలు చాలా కాలంగా సిల్వర్ స్క్రీన్ కు దూరంగా ఉంటూ వచ్చాడు. దానికి రాజకీయ కారణాలతో పాటు అనారోగ్యం, ఇతర కారణాలతో కూడా సినిమాలకు కొంతకాలంపాటు దూరమయ్యారు. మళ్లీ క్రమంగా ఇప్పుడిప్పుడే సినిమాలు చేస్తూ.. నటనకు దగ్గరవుతున్నారు తమిళ స్టార్ కమెడియన్. ఇక ఆయన నటిస్తున్న నాయ్ శేఖర్ రిటర్న్స్ సినిమా షూటింగ్ సందర్భంగా వడివేలు, ప్రభుదేవా మళ్లీ ఇప్పుడు కలుసుకున్నారు.
ప్రభుదేవ తో కలిస వడివేలు షూటింగ్ సెట్ లో సందడి చేవారు. సింగ్ ఇన్ ద రైన్ అంటూ వడివేలు పాట పాడుతుంటే, పక్కనే ఉన్న ప్రభుదేవా నవ్వు ఆపుకోలేకపోయారు. ఈ వీడియో ఇప్పుడు వైరల్ గా మారింది. ఈ వీడియోను ప్రభుదేవా స్వయంగా షేర్ చేశారు. దానికి నాట్పు అనే క్యాప్షన్ పెట్టారు. నాట్పూ అంటే స్నేహం అని అర్థం.
రెండు దశాబ్దాల క్రితం నాటి వడివేలు కామెడీ హిట్ సినిమా మనదాయ్ తిరుదివిత్తాయ్ లోని మధుర క్షణాలను అభిమానులకు ఈ సందర్భంగా గుర్తు చేశారు. ఆ సినిమాలో మాదిరే వడివేలు పాటను పాడారు. స్టార్ కమెడియన్ గా వడివేలకు తమిళంతో పాటు తెలుగులోను మంచి ఇమేజ్ ఉంది. కెరీర్ పీక్స్ లో ఉన్న టైమ్ లోనే రాజకీయంగా సంచలన వ్యాఖ్యలు చేసి.. సినిమాలకు దూరం అయ్యాడు. ఇన ఇప్పుడు మరోసారి సెకండ్ ఇన్నింగ్స్ స్టార్ట్ చేశాడు స్టార్ కమెడియన్.
