సలార్ కు , ఉగ్రంకు ఓ కీలకమైన మార్పు ఉంది. అదేమిటంటే.. ఉగ్రమ్ లోని చైల్డ్ హుడ్ ఎపిసోడ్ సలార్ లో రిపీట్ అవుతుంది. తన స్నేహితుడుకు ఏమి ఇవ్వటానికైనా సిద్దపడతాడు చిన్నప్పుడే హీరో.  


ప్రభాస్ పృథ్వీరాజ్ సుకుమారన్, శృతి హసన్ కీలక పాత్రలు పోషించిన సలార్ సినిమా తొలి భాగం ‘సలార్- సీజ్ ఫైర్’ కాగా.. రెండో భాగం ‘శౌర్యాంగ పర్వం’.సలార్ పార్ట్ 1 సీజ్ ఫైర్ డిసెంబర్ 22న భారీగా విడుదలై ఓ రేంజిలో భాక్సాఫీస్ ని అల్లాడిస్తున్న సంగతి తెలిసిందే. సినిమాకు ఎర్లీ మార్నింగ్ షోల నుంచే సూపర్ హిట్ టాక్ వచ్చేసింది. అన్ని ప్రాంతాల్లోనూ ఈ సినిమా మంచి వసూళ్లను రాబడుతోంది. ఈ చిత్రం బ్రేక్‌ ఈవెన్ మార్క్ కోసం దాదాపు 800 కోట్ల గ్రాస్ వసూలు చేయాల్సి ఉంది. అది చాలా ఈజీ అని తేలి పోయింది. ఈ ఏడాదిలో మొదటిరోజు బిగ్గెస్ట్‌ ఓపెనింగ్స్‌ ఇచ్చిన చిత్రంగా సలార్‌ రికార్డ్‌ క్రియేట్‌ చేసింది. ఇక ఈ విషయం ప్రక్కన పెడితే... సలార్ సినిమా ట్రైలర్ విడుదలైనప్పటి నుండి కొంత మంది సినీ అభిమానులు ఈ సినిమా కన్నడ బ్లాక్ బస్టర్ 'ఉగ్రం' రీమేక్ అంటూ చెప్పుకొచ్చారు. అది ఎంతవరకూ నిజమో చూద్దాం.

మొదటి నుంచి సలార్ మరోదో కాదు...ఉగ్రం సినిమాను బాగా రిచ్ గా భారీ ఎత్తున తీస్తున్నాడు ప్రశాంత్ నీల్ అంటూ కొందరు సోషల్ మీడియాలో అదే పనిగా ప్రచారం చేశారు. అది కూడా ప్రశాంత్ నీల్ తీసిన సినిమానే!! కానీ కొందరు మాత్రం పనిగట్టుకుని మరీ ఉగ్రం-సలార్ పోలికలు ఇవిగో అంటూ పోస్టులు మీద పోస్టులు పెడుతూ వచ్చారు. అందులో చాలా వరకూ నిజమే. అయితే సలార్ కు , ఉగ్రంకు ఓ కీలకమైన మార్పు ఉంది. అదేమిటంటే..

ఉగ్రమ్ లోని చైల్డ్ హుడ్ ఎపిసోడ్ సలార్ లో రిపీట్ అవుతుంది. తన స్నేహితుడుకు ఏమి ఇవ్వటానికైనా సిద్దపడతాడు చిన్నప్పుడే హీరో. ఇక రెండు సినిమాల్లోనూ హీరోలు ఓ రిమోట్ విలేజ్ లో ఉంటారు. అలాగే హీరోయిన్ అమెరికా నుంచి వస్తుంది. ఆమెకు కొన్ని గ్రూప్ ల నుంచి ప్రాణ హాని ఉంటుంది.అక్కడ నుంచే హీరో ఇంట్రడక్షన్ ఉంటుంది. రెండింటిలోనూ ఇది యాజటీజ్. తన తల్లి మాటపై హీరోయిన్ కు షెల్టర్ ఇవ్వటం కూడా రెండు సినిమాల్లోనూ ఉంటుంది. అయితే అక్కడిదాకా సేమ్ టు సేమ్ వెళ్లిన దర్శకుడు అక్కడే ఓ కొత్త ట్విస్ట్ సలార్ లో ఇచ్చారు. 

ఉగ్రమ్ చిత్రంలో అండర్ వరల్డ్ నుంచి హీరోయిన్ కు థ్రెట్ ఉంటుంది. ఇక్కడ సలార్ లో ఖాన్సార్ అనే ఓ ఫిక్షన్ సిటీని క్రియేట్ చేసారు. అదే కీలకమైన మార్పు. అదే సెకండాఫ్ లో వస్తుంది. అండర్ వరల్డ్ పెడితే రొటీన్ అయ్యిపోయేది కానీ కేజీఎఫ్ తరహాలో ఓ కొత్త ప్రపంచాన్ని క్రియేట్ చేసి ముందుకు వెళ్లారు. అన్నిటికన్నా ముఖ్యంగా ఉగ్రమ్ లో శ్రీమురళి ప్రస్టేషన్ వచ్చినప్పుడు తన రైట్ హ్యాండ్ ని టైట్ చేసేషాట్ ని యాజటీజ్ వాడారు. ఓ రకంగా అది ఉగ్రమ్ కు హోమేజ్ లా చెప్పాలి. 

ఇక సినిమా రిలీజ్ కు ఇంకొన్ని గంటలు సమయం మాత్రమే ఉండగా ఉగ్రం-సలార్ పోలికపై ప్రశాంత్ నీల్ మాట్లాడారు. ఉగ్రం సినిమాను ఆడియన్స్ మధ్య థియేటర్స్ లో చూసి ఎంజాయ్ చేయాలనుకున్నాను కానీ ఆ సినిమా నేను అనుకున్నంత హిట్ అవ్వలేదన్నారు ప్రశాంత్ నీల్. ఉగ్రం చాలా స్కోప్ ఉన్న కథ.. అందులో చెప్పలేకపోయిన పాయింట్స్‌ను సలార్‌ రూపంలో తీసానన్నారు. అందుకే సలార్ సినిమాలో ఉగ్రం సినిమా పోలికలు కనిపిస్తాయని వివరించారు ప్రశాంత్ నీల్.

 డిసెంబర్ 22న ‘సలార్’ మొదటి భాగం ‘సలార్ పార్ట్ 1 : సీజ్ ఫైర్’ పేరుతో తెలుగు, కన్నడంతో పాటు మలయాళ, తమిళ, హిందీ భాషల్లో గ్రాండ్ గా రిలీజ్ అయ్యింది. ప్రభాస్ ఫ్యాన్స్ మాత్రమే కాకుండా యావత్ సినీ ప్రేక్షకులు ఎంతో ఆసక్తిగా ఎదురుచూసిన చిత్రం ‘సలార్’ . ‘కె.జి.ఎఫ్'(సిరీస్) దర్శకుడు ప్రశాంత్ నీల్.. ప్రభాస్ తో చేసిన ఈ సినిమా పై భారీ అంచనాలు ఉండటంలో ఓపినింగ్ కలెక్షన్స్ అదిరిపోయాయి.