`వకీల్ సాబ్` మొదలెట్టాడు.. పవన్ ఫోటో వైరల్
కరోనా లాక్ డౌన్తో ఆగిపోయిన ఈ సినిమా షూటింగ్ తిరిగి ప్రారంభమైనట్టు తెలుస్తుంది. ఈ ఆదివారం హైదరాబాద్లో ప్రారంభించారట. పాతబస్తీలో పవన్, ఇతర ముఖ్య తారాగణంపై కోర్ట్ సీన్ వంటి కీలక సన్నివేశాలను చిత్రీకరిస్తున్నారు.
పవర్ స్టార్ పవన్ కళ్యాణ్ చేతిలో ఇప్పుడు నాలుగు సినిమాలున్నాయి. ఎన్నడూ లేని విధంగా ఒకేసారి నాలుగు సినిమాలకు కమిట్ అయి సంచలనం సృష్టించారు పవన్ కళ్యాణ్. దీంతో అభిమానులు ఖుషీ అవుతున్నారు. అందులో భాగంగా మొదటగా `వకీల్ సాబ్`ని పూర్తి చేయనున్నారు. ఇది బాలీవుడ్ చిత్రం `పింక్`కి రీమేక్ అనే విషయం తెలిసిందే.
కరోనా లాక్ డౌన్తో ఆగిపోయిన ఈ సినిమా షూటింగ్ తిరిగి ప్రారంభమైనట్టు తెలుస్తుంది. ఈ ఆదివారం హైదరాబాద్లో ప్రారంభించారట. పాతబస్తీలో పవన్, ఇతర ముఖ్య తారాగణంపై కోర్ట్ సీన్ వంటి కీలక సన్నివేశాలను చిత్రీకరిస్తున్నారు. వరుసగా పది రోజులు పవన్ ఈ షూటింగ్లో పాల్గొంటారట. ఆ తర్వాత కాస్త గ్యాప్ తీసుకుని మళ్ళీ షూటింగ్లో జాయిన్ అవుతారని తెలుస్తుంది. డిసెంబర్ వరకు సినిమా షూటింగ్ మొత్తం పూర్తి చేసి సంక్రాంతికి విడుదల చేయాలని ప్లాన్ చేస్తున్నారు. షూటింగ్కి సంబంధించి తాజాగా ఓ ఫోటో సోషల్ మీడియాలో వైరల్ అవుతుంది.
ఇక వేణు శ్రీరామ్ దర్శకత్వంలో రూపొందుతున్న ఈ సినిమాలో అంజలి, నివేదా థామస్ ముఖ్య పాత్రలు పోషిస్తున్నారు. పవన్ సరసన శృతి హాసన్ కనిపించనున్నారు. బోనీ కపూర్ సమర్పణలో దిల్రాజు ఈ సినిమాని నిర్మిస్తున్న విషయం తెలిసిందే. రెండేళ్ల తర్వాత పవన్ రీఎంట్రీ ఇస్తూ నటిస్తున్న తొలి చిత్రం కావడంతో దీనిపై అభిమానుల్లో భారీ అంచనాలు నెలకొన్నాయి.