ఆరున్నర అడుగుల బుల్లెట్... నిహారిక పెళ్ళిలో స్పెషల్ అట్రాక్షన్ గా పవన్ కొడుకు అకీరా

 

నిన్న తండ్రి పవన్ కళ్యాణ్ తో పాటు ఉదయ్ పూర్ వెళ్లిన అకీరాను చూసిన బంధువులు ఆశ్చర్యపోతున్నారు. మెగా హీరోలలో ఏ ఒక్కరు లేనంత హైట్ అకీరా ఎదిగారు. ఇంకా టీనేజ్ పూర్తి కాకుండానే అకీరా ఆరు అడుగుల నాలుగు అంగుళాలకు చేరుకున్నట్లు తెలుస్తుంది. ఇప్పటి వరకు మెగా ఫ్యామిలీలో వరుణ్ తేజ్ అందరికంటే హైట్ కాగా, ఆ రికార్డు అకీరా అధిగమించాడు. అకీరాను చూస్తుంటే త్వరలోనే హీరోగా ఎంట్రీ ఇవ్వడం ఖాయం అనిపిస్తుంది. 

 

2012లో పవన్, రేణూ దేశాయ్ విడాకులు తీసుకొని విడిపోయినప్పటి నుండి అకీరా తల్లి దగ్గరే పెరుగుతున్నాడు. చాలా కాలంగా వీరు పూణేలో ఉంటున్నారు. వృతి రీత్యా రేణు దేశాయ్, హైదరాబాద్ కి మకాం మార్చడం జరిగింది. రేణూ మెగా ఫ్యామిలీకి దూరంగా ఉంటున్నా, పిల్లలు మాత్రం వాళ్ళతో సన్నిహిత సంబంధం కలిగి ఉన్నారు.