‘జాతిరత్నాలు’ ఆ జనాలకు అసలు ఎక్కలేదా?
కేవలం 11 కోట్ల థియేట్రికల్ బిజినెస్ తో మూడు వారాల్లోనే 35 కోట్లకు పైగా షేర్ సాధించి సంచలనం సృష్టించింది. అయితే ఆ సక్సెస్ స్టోరీ ఓటీటి కు వచ్చేసరికి తిరగబడింది.
మ‌హా శివ‌రాత్రి సంద‌ర్భంగా ఒకేరోజు మూడు సినిమాలు విడుద‌ల‌య్యాయి.వాటిలో జాతి రత్నాలు ఒక‌టి. మిగిలిన రెండు సినిమాల‌తో పోలిస్తే.. జాతిర‌త్నాల‌కే మంచి టాక్ వ‌చ్చింది. సినిమా బాగుందన్నారు.కానీ ఈ స్దాయి హిట్ ని ఎవరూ ఊహించలేదు. ఆ తర్వాత మెల్లిగా మౌత్ టాక్ పెరిగింది. తొలి రోజే.. మంచి వ‌సూళ్లు రాబ‌ట్టింది. ఆదివారానికి బ్రేక్ ఈవెన్ లో ప‌డింది. జాతి రత్నాలు జోరు మ‌రో వారం రోజుల వరకూ ఉండే అవకాసం ఉందని లెక్కలువేసినవారి అంచనాలు తప్పాయి. ఈ సినిమా అదిరిపోయే లాభాలు సంపాదించింది. కేవలం 11 కోట్ల థియేట్రికల్ బిజినెస్ తో మూడు వారాల్లోనే 35 కోట్లకు పైగా షేర్ సాధించి సంచలనం సృష్టించింది. అయితే ఆ సక్సెస్ స్టోరీ ఓటీటి కు వచ్చేసరికి తిరగబడింది.
జాతిరత్నాలు సరిగ్గా నెల రోజుల గ్యాప్ తో మొన్న అమెజాన్ ప్రైమ్ లో రిలీజైంది. థియోటర్స్ లో తెగ నవ్వేసుకున్నారు జనం. కానీ చిత్రంగా ఓటీటికు వచ్చేసరికి నచ్చటం లేదంటూ కామెంట్స్ చేస్తున్నారు. ఈ స్దాయి హిట్ మూవీకి ఓటిటిలోనూ బ్రహ్మరధం దక్కుతుందని అనుకుంటే రివర్స్ గేర్ లో విషయం సినిమా అంటూ సోషల్ మీడియాలో కామెంట్స్ వినిపిస్తున్నాయి. థియేటర్లో చూడని ప్రేక్షకులు ఆన్ లైన్లో చూద్దామని ఎదురుచూసారు. చాలా ఎక్సపెక్టేషన్స్ పెట్టుకున్నారు. అయితే ఇప్పుడు ఈ సినిమా చూశాక ఇందులో ఏముందని ఇంతగా ఆడిందని ఆశ్చర్యపోతూ కామెంట్లు పెడుతున్నారు. అసలు ఇందులో కామెడీ ఏముందని పెదవి విరుస్తున్నారు.
అయితే ఈ నేపధ్యంలో సినిమా జనాలకు ఓ విషయం స్పష్టమైంది. థియేటర్ కు ఓటిటి కు ఆడియన్స్ టేస్ట్ లలో చాలా తేడాలుంటాయి. జనం మధ్య చూసిన సినిమాకు ..ఒంటరిగా లేదా ఇద్దరో ముగ్గురో కూర్చుని సెల్ ఫోన్ లేదా ట్యాబ్ , టీవిల్లో చూసే సినిమాకు ఎక్సపీరియన్స్ లో చాలా తేడా ఉంటుంది. జాతిరత్నాలు విషయంలో జరుగుతోంది. దాంతో రేపు ఉప్పెన నెట్ ఫ్లిక్స్ లో వస్తున్నప్పుడు ఆన్ లైన్ జనం ఎలా స్పందిస్తారో చూడాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
