రానా 'హిరణ్యకశ్యప'.. అధికార ప్రకటన!
రానా ప్రధాన పాత్రలో దర్శకుడు గుణశేఖర్ భారీ పౌరాణిక చిత్రం 'హిరణ్యకశ్యప' తెరకెక్కించనున్నట్లు చాలా రోజులుగా వార్తలు వస్తున్నాయి.
రానా ప్రధాన పాత్రలో దర్శకుడు గుణశేఖర్ భారీ పౌరాణిక చిత్రం 'హిరణ్యకశ్యప' తెరకెక్కించనున్నట్లు చాలా రోజులుగా వార్తలు వస్తున్నాయి. అయితే దీనిపై అధికార ప్రకటన రాకపోవడంతో అసలు ప్రాజెక్ట్ ఉందా..? లేదా..? అనే సందేహాలు కలిగాయి.
ఎట్టకేలకు ఈ సినిమాకు సంబంధించి అధికార ప్రకటన వచ్చింది. దర్శకుడు గుణశేఖర్ తన సోషల్ మీడియా పేజీలో ఈ సినిమాకు సంబంధించి ఓ పోస్ట్ పెట్టాడు. గత మూడేళ్లుగా హిరణ్యకశ్యప సినిమాకు సంబంధించి ప్రీప్రొడక్షన్ కార్యక్రమాలు జరుగుతున్నట్లుగా తెలిపారు.
ఈ సినిమాలో రానా టైటిల్ రోల్ పోషిస్తున్నాడని, సినిమాకు సంబంధించి మరిన్ని వివరాలు త్వరలోనే వెల్లడిస్తానని అన్నారు. ఈ భారీ బడ్జెట్ చిత్రాన్ని రానా తన సొంత బ్యానర్ లో తెరకెక్కించడానికి సిద్ధమవుతున్నాడు.
Exciting journey with @RanaDaggubati for హిరణ్యకశ్యప #Hiranyakashyapa #OmNamoNarayanaya pic.twitter.com/7GujaMz0nu
— Gunasekhar (@Gunasekhar1) June 1, 2019
