యుద్ధం మొదలయ్యేది సిపాయితోనే అంటోన్న నితిన్..`చెక్` ట్రైలర్
`రాజుని ఎదురించే దమ్ముందా సిపాయికి..అని విలన్ అంటే `యుద్ధం మొదలు పెట్టేదే సిపాయి` అని అంటున్నాడు నితిన్. ఇది ఆయన నటిస్తున్న `చెక్` చిత్ర ట్రైలర్లోని డైలాగ్. నితిన్ హీరోగా, రకుల్ ప్రీత్ సింగ్, ప్రియా ప్రకాష్ వారియర్ హీరోయిన్లుగా నటిస్తున్న చిత్రం `చెక్`. క్రియేటివ్ డైరెక్టర్ చంద్ర శేఖర్ ఏలేటి రూపొందిస్తున్నారు.
`రాజుని ఎదురించే దమ్ముందా సిపాయికి..అని విలన్ అంటే `యుద్ధం మొదలు పెట్టేదే సిపాయి` అని అంటున్నాడు నితిన్. ఇది ఆయన నటిస్తున్న `చెక్` చిత్ర ట్రైలర్లోని డైలాగ్. నితిన్ హీరోగా, రకుల్ ప్రీత్ సింగ్, ప్రియా ప్రకాష్ వారియర్ హీరోయిన్లుగా నటిస్తున్న చిత్రం `చెక్`. క్రియేటివ్ డైరెక్టర్ చంద్ర శేఖర్ ఏలేటి రూపొందిస్తున్నారు. భవ్య క్రియేషన్స్ పతాకంపై వి. ఆనంద్ప్రసాద్ నిర్మిస్తున్నారు.
ఈ చిత్ర ట్రైలర్ని నేడు(బుధవారం) విడుదల చేశారు. ఇందులో దేశద్రోహిగా నితిన్ కనిపిస్తాడు. అనుకోకుండా ఓ కేసులో ఇరుక్కుని దేశ ద్రోహి ముద్ర వేసుకున్న నితిన్ దాన్నుంచి బయటపడేందుకు ఏం చేశాడనే కథాంశంగా సినిమా సాగుతుందని ట్రైలర్ని చూస్తే అర్థమవుతుంది. చెస్ గేమ్కి, ఈ చిత్ర కథకి దగ్గరి సంబంధం ఉన్నట్టు కనిపిస్తుంది. ఇక ఇందులో `అణువు నుంచి అనంతం వరకు ఏదీ కర్మ నుంచి తప్పించుకోలేదు..` అనే డైలాగ్ వింటుంటూ భాగవతంలోని సన్నివేశాలను, శ్లోకాలను అద్దం పట్టేలా ఉంటుందని అర్థమవుతుంది. మొత్తానికి ట్రైలర్ ఆద్యంతం ఆసక్తికరంగా సాగింది.