Naveen Polishetty : అదిరిపోయిన ‘అనగనగా ఒక రాజు’ టైటిల్ టీజర్
నవీన్ పోలిశెట్టి హీరోగా 'సితార ఎంటర్ టైన్మెంట్స్', 'ఫార్చ్యూన్ 4 సినిమాస్' సంస్థలు సంయుక్త నిర్మాణం లో ఓ చిత్రం రూపొందనుంది. ఈ తరం వినోదానికి నిఖార్సైన చిరునామా 'నవీన్ పోలిశెట్టి' ఈ చిత్రానికి కథానాయకుడు. ప్రతిభగల యువకుడు కళ్యాణ్ శంకర్ ఈ చిత్రం ద్వారా దర్శకుడిగా పరిచయం అవుతున్నారు.
నవీన్ పొలిశెట్టి ప్రధాన పాత్రగా తెరకెక్కుతున్న ఈ చిత్రం నుంచి చిత్ర యూనిట్ అభిమానుల కోసం సక్రాంతి పండుగ సందర్భంగా టైటిల్ టీజర్ ను కానుకగా విడుదల చేసింది. అయితే ఈ సినిమాను 'సితార ఎంటర్ టైన్మెంట్స్', 'ఫార్చ్యూన్ 4 సినిమాస్' సంస్థలు సంయుక్తంగా నిర్మిస్తున్నాయి.
నాగ వంశీ ఎస్ - సాయి సౌంజన్య నిర్మిస్తున్నారు.
కాగా డైరెక్టర్ కళ్యాణ్ శంకర్ ఈ మూవీకి దర్శకత్వం వహిస్తున్నారు. కళ్యాణ్ శంకర్ ఒక కొత్త కాన్సెప్ట్ ను నవీన్ కు వివరించడంతో ఒకే చెప్పారంట. వెంటనే షూటింగ్ ప్రారంభించాలనుకుంటున్నారు. ఈ మూవీకి ట్రెండీ మ్యూజిక్ డైరెక్టర్ తమన్ సరికొత్త ట్యూనింగ్ ను ఇవ్వనున్నారు. హీరోయిన్ ఎవరన్నది ఇంకా అధికారికంగా ప్రకటించలేదు.
వీడియో ను నిశితంగా గమనిస్తే ‘ ఏదో పెళ్లికి సంభందించి ఏర్పాట్లు, హడావుడి గమనించవచ్చు. పెళ్ళికొడుకు తయారవుతున్న తీరు కనిపిస్తుంది. ఫోటో షూట్ జరుగుతూ ఉంటుంది..
చిత్ర కథానాయకుడు పాత్రధారి రాజు (నవీన్ పోలిశెట్టి) మాట్లాడుతున్నాడు ఇదిగో ఇలా...." నాయుడు గారు హనీమూన్ కి హవాయి కి టికెట్స్ బుక్ చేశారా లేదా...డబ్బులు గురించి ఆలోచించకండి రాజు గాడి పెళ్లి ఇక్కడ. హవా హవాయి అంటూ హమ్మింగ్ చేస్తూ డాన్సు చేస్తాడు. ఫోటోగ్రాఫర్ ను పిలుస్తూ రాజు గాడు పెళ్లి ఫోటోలు సోషల్ మీడియాలో పగిలిపోవా లిరా... గ్లిట్టరింగ్, షివరింగ్, ఫ్లిక్కరింగ్ అంటూ ఫోజు లిస్తాడు.
పారిజాతం అత్తయ్యా.. రేయ్ అత్తయ్య గారు వచ్చారు ఎసి లు ఆన్ చేయండ్రా అంటూ తన బంగారాన్ని చూపిస్తూ స్టయిల్ కొడుతూ ఉంటాడు. ఇదేం విడ్డూరం ఆడవాళ్లకేన వడ్డాణం... అందుకే నేను కూడా మామ కు చెప్పి డబ్ల్యు డబ్ల్యు యఫ్ లాంటింది ఒక ఐదు కిలోల బంగారం చేయించాను. చూస్తావుగా పద. మన ఫోటోలు చూసి ఆ కత్రినా కైఫ్, విక్కి కౌషల్ కుళ్లుకుని చావాలరా అలా తియ్యి నువ్వు. దీనికి రాజు ఈటింగ్ కాజు అని కాప్షన్ ఏసు కో రా...! ఉంగరాన్ని కింద పడేస్తూ యాక్షన్ చేస్తూ ఉంటాడు. అంతలోనే..
ఒరేయ్.. రేయ్..రేయ్..అది చూసావా, ఆ బరువు కి పడిపోయిందిరా..ఎత్తకు రా రేయ్..రేపు మళ్ళా కొనుక్కుందాం..రాజు గాడి పెళ్లిరా..మామ ఎంత ఖర్చు పెడతాడో కనపడాలరా ఫొటోలో...పైనుంచి కింద దాకా ఒక ఫుల్ లెంగ్త్ తియ్యరా .. ఈ చెప్పులు...అంటూ చెప్పులు చూసి కోపంతో...అరేయ్ అల్తాఫ్ ...ఫాంటసీ ఫుట్ వేర్ వేసుకుంటాను నేను..? రాజు గాడి పెళ్లి ఇది.. 7 తరాల పెళ్లి..
సారి అండి మీరు వచ్చేసారా...? ఇవన్నీ పట్టించుకోకండి...నేను చెప్పుకోకూడదు కానీ మోస్ట్ ఎంటర్ టైనింగ్ ఈవెంట్ ఆఫ్ ది డికేడ్ అండి. థియేటర్ లో మీరే చూస్తారుగా.
టైటిల్ ఏంటంటారా....?
అరేయ్ కళ్లజోడు...? ఒక భీభత్సమైన బ్యాగ్రౌండ్ స్కోర్ వేసుకోరా...
"అనగనగ ఒక రాజు"
నేనిలా స్లో మోషన్ లో వుంటాను ....పెట్టుకోరా నన్ను.... అంటూ రాజు పాత్ర ధారి నవీన్ పోలిశెట్టి ఆద్యంతం నవ్వుల విందు చేస్తాడు ఈ ప్రచార చిత్రంలో.
ఈ మూవీకి సంబంధించిన టైటిల్ టీజర్ విడుదలైన సందర్భంగా నవీన్ పొలిశెట్టి తన ట్విట్టర్ ఖాతాలో లింక్ షేర్ చేశాడు. తన నెక్ట్స్ మూవీ టైటిల్ వచ్చేసిందని పేర్కొన్నాడు. ‘దిస్ ఈయర్ గెట్ రెడీ ఫర్ క్రేజీయెస్ట్ వెడ్డింగ్’ అంటూ టీజర్ లో తెలిపారు. రెండు, మూడు యాసలతో సినిమాలో ఇరగ దీయనున్నట్టు తెలుస్తోంది. అప్పటికే జోష్ తో ఉండే నవీన్నయా జోష్ ను చూపించాడు.
త్వరలోనే చిత్రం షూటింగ్ ప్రారంభం కానుంది. ఇప్పటికే చిత్ర పూర్వ నిర్మాణ పనులు శరవేగంగా జరుగుతున్నాయి. పి.డి.వి. ప్రసాద్ సమర్పణలో రూపొందనున్న ఈ చిత్రానికి సంభందించిన మరిన్ని వివరాలను, విశేషాలను త్వరలోనే మరో సందర్భంలో మీడియాకు ప్రకటించనున్నట్లు 'సితార ఎంటర్ టైన్మెంట్స్', 'ఫార్చ్యూన్ 4 సినిమాస్' సంస్థల నిర్మాతలు సూర్య దేవర నాగవంశీ, శ్రీమతి సాయి సౌజన్య లు తెలిపారు.
కాగా నవీన్ పొలిశెట్టితో ‘జాతిరత్నాలు’ మూవీలో నవ్వులు పూయించిన డైరెక్టర్ కేవీ అనుదీప్(Anudeep kv) ప్రస్తుతం మరో సినిమా నిర్మించనున్నారు. శివకార్తికేయన్ తో నెక్ట్స్ ఫిల్మ్ రానున్నట్టు సమచారం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
