నాని ఫ్లాప్ సినిమా మూడు భాషల్లో రీమేక్?
ఈ సినిమా తీస్తున్నపుడు తాను చాలా నవ్వుకుంటూ పని చేశానని.. హీరో తనది కాకుండా వేరే వ్యక్తుల ప్రతీకారాన్ని తీసుకుని విలన్ మీదికి వెళ్లడం యునీక్ పాయింట్ అని విక్రమ్ అన్నాడు.
కొన్ని సినిమాలు ఫ్లాప్ అయినా క్లాసిక్స్ గా నిలుస్తూంటాయి. అంతేకాదు ఇతర భాషల్లోకి రీమేక్ అవుతూంటాయి. నేచురల్ స్టార్ నాని చేసిన ‘గ్యాంగ్ లీడర్’ సినిమా కూడా ఇప్పుడు మూడు భాషల్లోకి రీమేక్ అవుతోంది. ఆ సినిమా తెలుగులో ఫ్లాఫ్ అయ్యింది. అయినా రీమేక్ అవుతూ ట్రేడ్ ని ఆశ్చర్యపరుస్తోంది. ఈ విషయమై దర్శకుడు విక్రమ్ కుమార్ మాట్లాడారు. ‘గ్యాంగ్ లీడర్’ హిందీతో పాటు తమిళం, మలయాళంలో రీమేక్ అవుతోందని.. ఓ దర్శకుడికి ఇంతకంటే సంతృప్తి ఏముంటుందని విక్రమ్ అన్నాడు.
విక్రమ్ కుమార్ మాట్లాడుతూ....తన భార్య శ్రీనిధి తన సినిమాలకు పెద్ద క్రిటిక్ అని.. తాను ఓ సినిమా చేయడానికి ముందు ఆమెకు కథ చెప్పి అంతా ఓకే అనుకున్నాకే ముందుకు వెళ్తానని.. ‘గ్యాంగ్ లీడర్’ స్క్రిప్టు విషయంలో ఆమె పూర్తి సంతృప్తి వ్యక్తం చేసిందని విక్రమ్ చెప్పాడు. ఇక హీరో నానీకి కూడా ఈ సినిమా చాలా ఇష్టమని చెప్పాడు. ఈ సినిమా తీస్తున్నపుడు తాను చాలా నవ్వుకుంటూ పని చేశానని.. హీరో తనది కాకుండా వేరే వ్యక్తుల ప్రతీకారాన్ని తీసుకుని విలన్ మీదికి వెళ్లడం యునీక్ పాయింట్ అని విక్రమ్ అన్నాడు.
ఇక నాని నటించిన జెర్సీ ఓ క్లాసిక్. నటుడిగా నాని కెరీర్ లో అద్భుతమైన మైలు రాయి. అయితే ఈ సినిమా తర్వాత వచ్చిన గ్యాంగ్ లీడర్ ఫ్లాఫ్ అయ్యింది. రొటీన్‌కి భిన్నంగా ఆలోచిస్తూ మనం, 24, ఇష్క్ లాంటి చిత్రాలు అందించిన విక్రమ్ కుమార్ నుండి వచ్చిన సినిమా ఇది. అయితే ఈ గ్యాంగ్ లీడర్ మాత్రం నిరాశ పరిచాడు. విక్రమ్ కుమార్ మెరుపులు ఇందులో కరువయ్యాయని రివ్యూలు వచ్చాయి. నాని మొత్తం సినిమాని భుజాలపై వేసుకున్నా సరే.. స్క్రీన్ ప్లే లో వైవిధ్యం లేకపోవడంతో ఫ్లాప్ టాక్ తెచ్చుకున్నాడు గ్యాంగ్ లీడర్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
