Asianet News TeluguAsianet News Telugu

దిల్ రాజు, నాగ చైతన్య కాంబో.. సూపర్ హిట్ మూవీ రీమేక్!

అక్కినేని నాగ చైతన్య ఈ ఏడాది మజిలీ చిత్రంతో ఘనవిజయం సొంతం చేసుకున్నాడు. చైతు, సమంత కలసి నటించిన ఆ చిత్రం బాక్సాఫీస్ వద్ద వసూళ్ల వర్షం కురిపించింది. ప్రస్తుతం చైతు శేఖర్ కమ్ముల దర్శకత్వంలో ఓ చిత్రంలో నటిస్తున్నాడు. నాగ చైతన్య మరో చిత్రం గురించి ఆసక్తికర వార్తలు వస్తున్నాయి. 

Naga Chaitanya in talks for bollywood hit movie remake
Author
Hyderabad, First Published Sep 10, 2019, 4:59 PM IST

బాలీవుడ్ రైజింగ్ హీరో ఆయుష్మాన్ ఖురానా నటించిన బదాయి హో చిత్రం గత ఏడాది విడుదలై సూపర్ హిట్ గా నిలిచింది. సీనియర్ నటి నీనా గుప్తా ఈ చిత్రంలో కీలక పాత్రలో నటించారు. 60 ఏళ్ల వయసులో ప్రెగ్నెన్సీ అనే కాన్సెప్ట్ తో వచ్చిన ఈ చిత్రం ఎమోషన్, వినోదం పరంగా ప్రేక్షకులని ఆకట్టుకుంది. 

ప్రస్తుతం సౌత్ లో హిట్టైన సినిమాలో హిందీలో, హిందీలో హిట్టైన చిత్రాలు సౌత్ లో రీమేక్ కావడం సాధారణ విషయంగా మారింది. బదాయి హో చిత్ర రీమేక్ హక్కులని అగ్ర నిర్మాత దిల్ రాజు సొంతం చేసుకున్నట్లు తెలుస్తోంది. ప్రముఖ బాలీవుడ్ నిర్మాత బోనికపూర్ ఏ చిత్ర తెలుగు రిమేక్ లో నిర్మాణ భాగస్వామిగా ఉండనున్నట్లు తెలుస్తోంది. 

ఈ చిత్రంలో నటించే హీరో కోసం ప్రస్తుతం చర్చలు జరుగుతున్నాయి. నాగ చైతన్య ఈ చిత్రంలో నటించేందుకు ఆసక్తి చూపుతున్నట్లు సమాచారం. శేఖర్ కమ్ముల దర్శకత్వంలో చిత్రానికి చైతు 40 రోజుల డేట్స్ కేటాయించాడట. మరోవైపు ఆర్ఎక్స్ 100 ఫేమ్ అజయ్ భూపతితో కూడా చర్చలు జరుగుతున్నాయి. చైతు తదుపరి చిత్రాల గురించి త్వరలో ఓ క్లారిటీ రానుంది. 

 

Follow Us:
Download App:
  • android
  • ios