Asianet News TeluguAsianet News Telugu

నాగ్‌ అశ్విన్‌ హిట్‌ సెంటిమెంట్‌గా భావించే హీరోయిన్‌ ఎవరో తెలుసా? అందుకే రిపీట్‌ చేస్తున్నాడా?

నాగ్‌ అశ్విన్‌కి హిట్‌సెంటిమెంట్‌ ఉందని తెలుస్తుంది. ఓ స్టార్‌ హీరోయిన్‌ని ఆ సెంటిమెంట్‌గా భావిస్తున్నాడట. ఆమెని తన మూవీస్‌లో కంటిన్యూ చేస్తున్నాడట నాగ్‌. 
 

Nag Ashwin considers that star heroine as a hit sentiment ? once again repeat he arj
Author
First Published Jun 25, 2024, 3:59 PM IST

నాగ్‌ అశ్విన్‌ ప్రస్తుతం స్టార్‌ డైరెక్టర్‌ గా రాణిస్తున్నాడు. `కల్కి 2898ఏడీ` హిట్‌ అయితే పాన్‌ ఇండియా డైరెక్టర్‌ అయిపోతాడు. రాజమౌళి సరసన చేరతాడు. పది సినిమాల రాజమౌళి, మూడు సినిమాలు నాగ్‌ అశ్విన్‌ ల రేంజ్‌ సేమ్‌ కాబోతుంది. ఇప్పుడు `కల్కి` రిజల్ట్ పైనే అన్ని ఆధారపడి ఉన్నాయి. సినిమాకి అనుకున్నంత బజ్‌ అయితే లేదు. రెండో ట్రైలర్‌ తర్వాత ఫర్వాలేదనిపిస్తుంది. కానీ అడ్వాన్స్ బుకింగ్‌లో మాత్రం దుమ్మురేపుతుంది. ఓవర్సీస్‌లో సరికొత్త రికార్డు క్రియేట్‌ చేయబోతుంది `కల్కి`. 

దర్శకుడు నాగ్‌ అశ్విన్‌ సినిమాని సరికొత్త విజువల్‌ వండర్‌గా రూపొందించారు. మహాభారతంలోని అంశాలను, భవిష్యత్‌ కాలానికి ముడిపెడుతూ ఈ చిత్రాన్ని తెరకెక్కించాడట. విష్ణువు పదో అవతారమైన కల్కి కాలాన్ని ఇందులో చూపించబోతున్నారని, అది ఊహాత్మకంగా నాగ్‌ అశ్విన్‌ చెప్పబోతున్నారని తెలుస్తుంది. ఇందులో ప్రభాస్‌ భైరవ పాత్రలో కనిపిస్తున్నారు. మరి కల్కి ఎవరనేది పెద్ద ప్రశ్న. భైరవనే కల్కినా అనేది ట్విస్ట్ గా ఉండబోతుందని సమాచారం. 

ఇక ఇందులో చాలా మంది హీరోలు కనిపించబోతున్నారు. అశ్వథ్థామగా అమితాబ్‌ బచ్చన్‌, హస్కిన్‌ గా నెగటివ్‌ పాత్రలో కమల్‌ హాసన్‌ కనిపిస్తారు. దీపికా పదుకొనె, దిశా పటానీ, రాజేంద్రప్రసాద్‌, బ్రహ్మానందంలు కూడా ఉన్నారు. వీరితోపాటు శోభన, మాళవిక నాయర్‌ కూడా ఉన్నారు. అలాగే విజయ్‌ దేవరకొండ, దుల్కర్‌, నాని, రాజమౌళి, రామ్‌ గోపాల్‌ వర్మ, మృణాల్‌ ఠాకూర్‌ కూడా కనిపిస్తారని సమాచారం. 

ఇదిలా ఉంటే విజయ్‌ దేవరకొండ.. నాగ్‌ అశ్విన్‌కి ఫ్రెండ్‌. `ఎవడే సుబ్రమణ్యం`కి ముందు నుంచి వీరిద్దరి మధ్య స్నేహం కొనసాగుతుంది. ఆ స్నేహంతోనే తన ప్రతి సినిమాలో విజయ్‌ ఉండేలా చూసుకుంటున్నాడు నాగ్‌. `ఎవడే సుబ్రమణ్యం` చిత్రంలో విజయ్‌ పాత్రనే హైలైట్‌ అవుతుంది. ఆ తర్వాత `మహానటి`లోనూ విజయ్‌, సమంతల జంట బాగా ఆకట్టుకుంది. హైలైట్ అయ్యింది. ఇప్పుడు నాగ్‌ మూడో సినిమా `కల్కి`లోనూ అతను ఉంటాడని అంటున్నారు. అర్జునుడి పాత్రలో విజయ్‌ కనిపిస్తారని సమాచారం. 

ఇదిలా ఉంటే ఆయనతోపాటు మరో హీరోయిన్‌ని కూడా కంటిన్యూ చేస్తున్నాడు నాగ్‌ అశ్విన్‌. ఆమె ఎవరో కాదు, మాళవిక నాయర్‌. ఆమె కూడా `ఎవడే సుబ్రమ్మణ్యం`లో హీరోయిన్‌గా చేసింది. `మహానటి`లో జెమినీ గణేషన్‌ మొదటి భార్య పాత్రలో నటించింది. ఈ రెండు సినిమాలు మంచి ఆదరణ పొందాయి. ఇప్పుడు `కల్కి`లోనూ ఆమె కనిపిస్తుంది. రెండో ట్రైలర్‌లో మాళవిక నాయర్‌ పాత్రని రివీల్‌ చేసిన విషయం తెలిసిందే. దీంతో అటు విజయ్‌, ఇటు మాళవికలను ఆయన తన ప్రతి సినిమాలో కొనసాగిస్తున్నాడు. మరి గత చిత్రాల మాదిరిగానే `కల్కి` సంచలన విజయం సాధిస్తుందా అనేది చూడాలి. 
 

Latest Videos
Follow Us:
Download App:
  • android
  • ios