Mega 157 : చిరు పుట్టిన రోజు కానుక.. 157వ చిత్రం ప్రకటన.. డైరెక్టర్ ఎవరు? ఎలాంటి సినిమా చేస్తున్నారు?
మెగాస్టార్ చిరంజీవి పుట్టిన రోజు సందర్భంగా అభిమానులకు గుడ్ న్యూస్ అందింది. మెగాస్టార్ నెక్ట్స్ మూవీ అనౌన్స్ మెంట్ అందింది. ఇందుకు సంబంధించిన వివరాలు ఇంట్రెస్టింగ్ గా ఉన్నాయి.
 )
Followమెగాస్టార్ చిరంజీవి (Chiranjeevi) పుట్టిన రోజు సందర్భంగా అభిమానులు, మెగా ఫ్యామిలీ, టాలీవుడ్ తారలు, ప్రముఖులు, రాజకీయనాయకు నుంచి కూడా ప్రశంసలు అందుతున్నాయి. ఆయన 68వ పుట్టిన రోజున శుభాకాంక్షలు వెల్లువెత్తుతున్నాయి. చిరు మరింత ఆరోగ్యంగా ఉండాలని, మరిన్ని సినిమాలతో అలరించాలని ఆకాంక్షించారు. సోషల్ మీడియా వేదిక విషెస్ తెలియజేస్తూనే ఉన్నారు. ఇదిలా ఉంటే.. మెగా అభిమానులకు చిరు బర్త్ డే సందర్భంగా అదిరిపోయే అప్డేట్ వచ్చింది.
ఇప్పటికీ చిరు లైనప్ లో ఉన్న సినిమాలన్నీ ప్రేక్షకుల ముందుకు వచ్చాయి. చివరి ‘భోళా శంకర్’ కూడా విడుదలైన విషయం తెలిసిందే. ఆ తర్వాత మెగాస్టార్ చేయబోయే సినిమాలపై ఇంతవరకు ఎలాంటి అప్డేట్ అందలేదు. ఇక తాజాగా Mega157కు సంబంధించిన అఫీషియల్ అనౌన్స్ మెంట్ వచ్చేసింది. చిరుకు జన్మదిన శుభాకాంక్షలు తెలుపుతూ మేకర్స్ చిరంజీవి 157వ సినిమాను ప్రకటించారు. ఈ సందర్భంగా విడుదల చేసిన అనౌన్స్ మెంట్ పోస్టర్ కూడా ఆసక్తికరంగా ఉంది.
ప్రముఖ నిర్మాణ సంస్థ యూవీ క్రియేషన్స్ బ్యానర్ లో ‘మెగా157’ రూపుదిద్దుకోనుంది. ‘బింబిసార’ డైరెక్టర్ వశిష్ఠ దర్వకత్వంలో చిరు నటించబోతున్నారని అనౌన్స్ చేశారు. ఈ చిత్రం ఎవరి ఊహకు అందదని తెలిపారు. తెలుగు చిత్ర పరిశ్రమలో ఎవర్‌గ్రీన్ క్లాసిక్స్‌లో ఒకటిగా నిలిచిన ‘జగదేక వీరుడు అతిలోక సుందరి’ లాంటి మరో ఫాంటసీ ఎంటర్‌టైనర్‌లో చిరంజీవిని చూపించబోతున్నామన్నారు. దీంతో అభిమానులు ఫుల్ ఖుషీ అవుతున్నారు. చాలా కాలం తర్వాత, మెగాస్టార్ చిరంజీవి ఒక ఫాంటసీ మూవీకి సైన్ చేయడం విశేషం.
ఈ చిత్రంతో డైరెక్టర్ మెగా మాస్ యూనివర్స్ చూపించబోతున్నాడు. అనౌన్స్ మెంట్ పోస్టర్ ఆసక్తి పెంచుతోంది. ప్రకటన పోస్టర్‌లో భూమి, నీరు, అగ్ని, గాలి మరియు ఆకాశం వంటి పంచభూతాలు, నక్షత్ర ఆకారపు మూలకంతో త్రిశూలాన్ని చూపించారు. దీంతో అద్భుతమైన ఫాంటసీ చిత్రాన్ని ప్రేక్షకుల ముందుకు తీసురాబోతున్నారని తెలుస్తోంది. ఇప్పటికే తన దర్శకత్వంతో ‘బింబిసార’ ద్వారా డైరెక్టర్ వశిష్ఠ మరో ప్రపంచంలోకి తీసుకెళ్లిన విషయం తెలిసిందే. ఇక ప్రస్తుతం యూవీ క్రియేషన్స్ బ్యానర్‌పై వి వంశీకృష్ణా రెడ్డి, ప్రమోద్ ఉప్పలపాటి, విక్రమ్‌రెడ్డి కాంబినేషన్‌లో భారీ ఎత్తున మూవీ తెరకెక్కబోతోంది. చిరంజీవి కెరీర్‌లోనే అత్యంత ఖరీదైన చిత్రంగా నిర్మిస్తున్నారు.
ఇప్పటి వరకు 155 సినిమాలను పూర్తి చేసుకున్న చిరంజీవి మరిన్ని చిత్రాలకు ఇప్పటికే ఓకే చెప్పారు. ఇక 156 చిత్రాన్ని కూతురు సుష్మితా కొణిదెల నిర్మాతగా గోల్డ్ బాక్స్ ఎంటర్ టైన్ మెంట్ పై చేస్తున్నట్టు తెలుస్తోంది. దర్శకుడు కళ్యాణ్ కృష్ణగా తెలుస్తోంది. దీనిపైనా అప్డేట్ వచ్చే అవకాశం ఉంది. కేవలం బర్త్ డే పోస్టర్ ను మాత్రం బ్యానర్ నుంచి వదిలారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
