మణిరత్నం ‘పొన్నియన్ సెల్వన్’ తెలుగు టైటిల్ ఫిక్స్
‘పొన్నియన్ సెల్వన్’ అనే నవల ఆధారంగా ఈ సినిమాను తెరకెక్కిస్తున్నారు మణిరత్నం. ఈ సినిమాను లైకా ప్రొడక్షన్స్ మద్రాస్ టాకీస్ బ్యానర్స్ సంయుక్తంగా నిర్మిస్తున్నాయి.
Followమణిరత్నం దర్శకత్వంలో వస్తోన్న ప్రతిష్ఠాత్మక భారీ బడ్జెట్‌ చిత్రం పొన్నియన్ సెల్వన్. 1995లో కల్కి కృష్ణమూర్తి రాసిన పొన్నియన్ సెల్వన్ నవలా ఆధారంగా ఈ చిత్రాన్ని మణిరత్నం తెరకెక్కిస్తున్నారు. అదే నవల పేరుతో మణిరత్నం మ్యాజిక్ చేయబోతోన్నారు. ఇక ఈ ప్రాజెక్ట్ కోసం కోలీవుడ్ మొత్తం కదిలింది. ఈచిత్రాన్ని మణిరత్నం, లైకా ప్రొడక్షన్స్ కలిసి సంయుక్తంగా నిర్మిస్తోంది. ఈ సినిమాలో విక్రమ్, జయం రవి, విక్రమ్ ప్రభు, త్రిష, మోహన్ బాబు, ఐశ్వర్యా రాయ్ వంటి వారు నటిస్తున్నారు. ఈ చిత్రం తెలుగు వెర్షన్ సైతం రిలీజ్ చేస్తున్నారు. ఈ నేపధ్యంలో తెలుగు వెర్షన్ టైటిల్ ఏమినటనేది హాట్ టాపిక్ గా మారింది.
అందుతున్న సమాచారం ఈ చిత్రం తెలుగు వెర్షన్ కు వీరుడు అనే టైటిల్ ని ఫిక్స్ చేసారని తెలుస్తోంది. ఈ మూవీ మొదటి పార్ట్‌ను వచ్చే ఏడాది ఏప్రిల్‌లో విడుదల చేయబోతోన్నట్టు చిత్రయూనిట్ ప్రకటించింది. ఇప్పటికే 75 శాతం షూటింగ్ పూర్తి చేసుకున్న యూనిట్.. కరోనా వల్ల కాస్త వెనక్కి తగ్గింది. 2019 డిసెంబర్‌లో థాయ్‌ల్యాండ్‌లో సినిమా షూటింగ్ ప్రారంభమైంది. ఆ తర్వాత కరోనా షూటింగ్ వాయిదా పడింది. ఈ ఏడాది జనవరి నుంచి సినిమా షూటింగ్ శరవేగంగా జరుపుకొంటున్న సంగతి తెలిసిందే. ఆ మధ్య చిత్ర షూటింగ్ హైదరాబాద్‌లోనూ జరుపుకొంది.
జైపుర్, జోధ్పూర్, మధ్యప్రదేశ్‌కి చెందిన రాజభవనాలకు బదులుగా హైదరాబాద్‌లోని సెట్లోనే షూటింగ్ చేసారు. మద్రాస్ టాకీస్, లైకా ప్రొడక్షన్స్ కలిసి నిర్మిస్తున్న ఈ చిత్రంలో ఐశ్వర్య రాయ్ బచ్చన్, విక్రమ్, త్రిష, జయం రవి, కార్తీ ప్రధాన పాత్రల్లో నటిస్తుండగా జయరామ్‌, శోభిత ధూళిపాళ్ల, శరత్‌ కుమార్, ప్రకాష్‌రాజ్‌, ప్రభు, ఐశ్వర్య లక్ష్మి తదితరులు నటిస్తున్నారు. చిత్రాన్ని వచ్చే ఏడాది ప్రేక్షకుల ముందుకు తీసుకురానున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
