Asianet News TeluguAsianet News Telugu

షాకింగ్: హాలీవుడ్ లో మంచు విష్ణు సినిమా!

మంచు ఫ్యామిలీ హీరోలకు టాలీవుడ్ సరిపోలేనట్లుంది. ఇప్పుడు ఏకంగా హాలీవుడ్ కి వెళ్లడానికి ప్రయత్నిస్తున్నారు. అసలు విషయంలోకి వస్తే.. మంచు విష్ణు ఈ మధ్యకాలంలో ఒక్క హిట్టు కూడా అందుకోలేదు. 

manchu vishnu busy with hollywood films
Author
Hyderabad, First Published Jan 27, 2019, 1:52 PM IST
  • Facebook
  • Twitter
  • Whatsapp

మంచు ఫ్యామిలీ హీరోలకు టాలీవుడ్ సరిపోలేనట్లుంది. ఇప్పుడు ఏకంగా హాలీవుడ్ కి వెళ్లడానికి ప్రయత్నిస్తున్నారు. అసలు విషయంలోకి వస్తే.. మంచు విష్ణు ఈ మధ్యకాలంలో ఒక్క హిట్టు కూడా అందుకోలేదు.

మంచు మనోజ్ పరిస్థితి కూడా అంతే.. ఇది ఇలా ఉండగా ఇప్పుడు మంచు విష్ణు 'కన్నప్ప' స్క్రిప్ట్ పై వర్క్ చేస్తున్నాడు. ప్రముఖ రచయిత, నటుడు తనికెళ్లభరణి ఈ కథను తయారు చేసిన సంగతి తెలిసిందే. దీనికి సంబంధించిన పనులు ప్రస్తుతం అమెరికాలో జరుగుతున్నాయి. ఈ సినిమాకు మొత్తం హాలీవుడ్ టెక్నీషియన్లు పని చేయబోతున్నారు. 

మంచు విష్ణు ఈ సినిమాలో నటించడంతో పాటు నిర్మాతగా కూడా పని చేయనున్నారు. అయితే ఇప్పుడు ఈ కథను ఓ హాలీవుడ్ డైరెక్టర్  తెరకెక్కించబోతున్నాడని సమాచారం. ఈ సినిమా కథ విన్న ఓ హాలీవుడ్ డైరెక్టర్ ఇంప్రెస్ అయి డైరెక్షన్ తనే చేస్తానని అడిగారట. దీంతో ఇప్పుడు ఆయన దర్శకత్వంలో సినిమా తెరకెక్కనుంది.

ఈ సినిమా సంగతి పక్కన పెడితే.. మంచు విష్ణుకి ఓ హాలీవుడ్ సినిమాలో నటించే ఛాన్స్ వచ్చిందట. ఓ మంచి స్క్రిప్ట్ ఒకటి మంచు విష్ణు వద్దకు వచ్చిందని, దానిని కేవలం ఇంగ్లీష్ సినిమాగానే రూపొందించాలని భావిస్తున్నారట. అంటే మంచు హీరో హాలీవుడ్ లో నటించడానికి రెడీ అవుతున్నారన్నమాట. మరి తెలుగులో రాని హిట్లు హాలీవుడ్ లో వస్తాయేమో చూడాలి!

Follow Us:
Download App:
  • android
  • ios