మెగా ఫ్యామిలీ నుండి అతడే ఫస్టా?
మెగాహీరో ధరమ్ తేజ్ గత ఏడాది ప్రతిరోజూ పండగే చిత్రంతో భారీ హిట్ అందుకున్నారు. దర్శకుడు మారుతీ తెరకెక్కించిన ఆ ఫ్యామిలీ ఎంటర్టైనర్, ధరమ్ కెరీర్ కి మంచి బూస్ట్ ఇచ్చింది. ఫుల్ ఫార్మ్ లోకి వచ్చిన ధరమ్ తేజ్ నూతన దర్శకుడు సుబ్బు దర్శకత్వంలో సోలో బ్రతుకే సో బెటర్ మూవీలో నటిస్తున్నారు. ఈ మూవీ విడుదలపై ఓ ఆసక్తికర వార్త చక్కర్లు కొడుతుంది.
మెగా కాంపౌండ్ నుండి వచ్చిన హీరోలలో సాయి ధరమ్ తేజ్ ఓ స్థాయి స్టార్ డమ్ తెచ్చుకున్నారు. అరంగేట్రం అద్భుతంగా చేసిన ఈ హీరో తరువాత విజయాల పరంగా వెనుకబడ్డాడు. ఐతే గత ఏడాది చివర్లో వచ్చిన ప్రతిరోజూ పండగే చిత్రం ఈయన జీవితంలో వెలుగు తెచ్చింది అనాలి. చాలా కాలం తరువాత ఓ పర్ఫెక్ట్ హిట్ కొట్టాడు. సాయి ధరమ్ కెరీర్ బెస్ట్ కలెక్షన్స్ రాబట్టిన ఆ మూవీ నిర్మాతలకు భారీ లాభాలు పంచింది. దర్శకుడు మారుతీ, ఓ పర్ఫెక్ట్ ఫ్యామిలీ ఎంటర్టైనర్ తెరకెక్కించి భారీ హిట్ కొట్టాడు.
ఈ మూవీ తరువాత ధరమ్ తేజ్ సీనియర్ ప్రొడ్యూసర్ బివిఎస్ఎన్ ప్రసాద్ నిర్మాణంలో తెరకెక్కుతున్న సోలో బ్రతుకే సో బెటర్ మూవీలో నటిస్తున్నారు. కొత్త దర్శకుడు సుబ్బు ఈ చిత్రాన్ని డైరెక్టర్ చేస్తున్నారు. ఈ మూవీ నుండి 'నో పెళ్లి సాంగ్' విడుదల కాగా విశేష ఆదరణ దక్కించుకుంది. దాదాపు చిత్రీకరణ పూర్తి చేసుకున్న ఈ చిత్రాన్ని ఓ టి టి లో విడుదల చేసేందుకు నిర్మాతలు ప్రయత్నాలు మొదలుపెట్టినట్లు తెలుస్తుంది. ఇప్పటికే కొన్ని ఓ టి టి సంస్థలతో బేరసారాలు మొదలుపెట్టారట. మంచి డీల్ దొరికితే ఓ టి టి విడుదల ఖాయం అట. థియేటర్స్ ద్వారాలు ఇప్పట్లో తెరుచుకొనేలా కనిపించడం లేదు. దీనితో చిన్న మరియు మధ్య తరహా బడ్జెట్ చిత్రాలు ఓ టి టి వైపు చూస్తున్నాయి.
ఇప్పటికే హీరో నాని నటించిన వి చిత్రాన్ని అమెజాన్ ప్రైమ్ దక్కించుకుంది. వచ్చే నెలలో ఈ మూవీ అందుబాటులోకి రానుంది. మరి సోలో బ్రతుకే సో బెటర్ కూడా ఓ టి టి లో అందుబాటులోకి వస్తే మెగా ఫ్యామిలీ నుండి ఫస్ట్ ఎంట్రీ ఆయనదే అవుతుంది. సోలో బ్రతుకే సో బెటర్ మూవీలో నభా నటేష్ హీరోయిన్ గా నటించగా, థమన్ సంగీతం అందిస్తున్నారు. ఇక ఈ మూవీ తరువాత ధరమ్ దర్శకుడు దేవా కట్టాతో చిత్రం చేయనున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
