సితార ఘట్టమనేని అరుదైన ఘనత అందుకుంది. న్యూయార్క్ టైం స్క్వేర్ స్ట్రీట్ లో సితార హోర్డింగ్ దర్శనమిచ్చింది. దీనిపై తండ్రి మహేష్ బాబు స్పందించారు.
పదేళ్ల ప్రాయంలోనే సితార ఘట్టమనేని ఫేమ్, సంపాదనలో దూసుకుపోతుంది. ఇటీవల సితార ఓ ఇంటర్నేషనల్ జ్యూవెలరీ బ్రాండ్ కి అంబాసిడర్ గా చేసింది. సితార పీఎంజే జ్యూవెలరీ బ్రాండ్ యాడ్ షూట్ లో పాల్గొన్నారు. ఈ క్రమంలో న్యూయార్క్ టైం స్క్వేర్ స్ట్రీట్ లో సితార హోర్డింగ్స్ ప్రదర్శించారు. ప్రఖ్యాత స్ట్రీట్ లో సితార ఫోటోలు దర్శనమివ్వడంతో మహేష్ బాబు మురిసిపోయారు. ఈ మేరకు ఇంస్టాగ్రామ్ లో స్పందించారు. 'టైం స్క్వేర్ స్ట్రీట్ లో వెలిగిపోతున్నావు. చాలా గర్వంగా ఉంది సీమటపాకాయ్. నువ్వు మరిన్ని విజయాలు సాధించాలని ఆకాంక్షిస్తున్నాను...' అంటూ కామెంట్ చేశారు. మహేష్ ఇంస్టాగ్రామ్ పోస్ట్ వైరల్ అవుతుంది
సితార ఘట్టమనేని సోషల్ మీడియాలో చాలా యాక్టివ్. పదేళ్ల ప్రాయంలోనే ఈ స్టార్ కిడ్ లక్షల మంది ఫాలోవర్స్ కలిగి ఉన్నారు. దానికి కారణం ఆమె టాలెంట్ కూడా. సితార తరచుగా డాన్స్ వీడియోలు చేస్తుంటారు. అప్పుడప్పుడు పాటలు పాడుతుంటారు. సోషల్ అవేర్నెస్ వీడియోలు చేస్తుంటారు. కేవలం మహేష్ బాబు కూతురుగానే కాకుండా తనకంటూ ఓ గుర్తింపు తెచ్చుకుంది.
ఇటీవల సితార లవ్ స్టోరీ మూవీలోని 'సారంగదరియా' సాంగ్ కి డాన్స్ చేసింది. అత్యంత కష్టమైన ఈ పాటను ఇతర చాలా దగ్గరగా అనుకరించింది. సాయి పల్లవి అంత కాకపోయినా ఆమెను సితార మరిపించింది. సితార డాన్స్ టాలెంట్ చూసిన ఫ్యాన్స్ స్టన్ అయ్యారు. యానీ మాస్టర్ వద్ద సితార డాన్సులు శిక్షణ తీసుకుంటున్నట్లు సమాచారం. ఏమైనా సితార చిన్నప్పటి నుండి కళలపై మక్కువ పెంచుకుంటూ, వాటిని అభ్యసిస్తూ తండ్రికి తగ్గ కూతురు అనిపించుకుంటున్నారు.
త్వరలో సితార సిల్వర్ స్క్రీన్ ఎంట్రీ ఇచ్చే ఆస్కారం లేకపోలేదు. సర్కారు వారి పాట మూవీలో 'పెన్నీ' సాంగ్ ప్రమోషనల్ వీడియోలో సితార నటించిన విషయం తెలిసిందే. పిల్లలను ప్రాణంగా ప్రేమించే మహేష్ వారికి ఇష్టమైన రంగాల్లో ప్రోత్సహిస్తారు అనడంలో సందేహం లేదు. ఒక వేళ సితార నటనను కెరీర్ గా ఎంచుకుంటే ఆయన మద్దతు ఖచ్చితంగా ఉంటుంది. ఇక కొడుకు గౌతమ్ మహేష్ నటవారసుడిగా సిల్వర్ స్క్రీన్ కి పరిచయం కావడం అనివార్యం. చైల్డ్ ఆర్టిస్ట్ గా గౌతమ్ వన్ నేనొక్కడినే చిత్రంలో నటించారు.