Asianet News Telugu

సూపర్‌ స్టార్‌తో లేడీ సూపర్‌ స్టార్‌.. జోడీ అదిరిపోయినట్టే ?

నయనతార తెలుగులో మరో సినిమా చేయబోతుందని సమాచారం. చివరిగా ఈ సీనియర్‌ హీరోయిన్‌ `సైరా`లో చిరంజీవితో జోడీ కట్టింది. తనదైన నటనతో మంత్రముగ్దుల్ని చేసింది. ఇప్పుడు సూపర్‌ స్టార్‌ సరసన నటించబోతుందట. 
 

lady super star nayanathara act with super star mahesh in trivikram movie? arj
Author
Hyderabad, First Published Jul 6, 2021, 9:49 AM IST
  • Facebook
  • Twitter
  • Whatsapp

లేడీ సూపర్‌ స్టార్‌ నయనతార ఏజ్‌ పెరిగే కొద్ది మరింత దూకుడు పెంచుతుంది. ఈ అమ్మడి కోసం కోలీవుడ్‌, టాలీవుడ్‌, బాలీవుడ్‌ నుంచి వరుసగా ఆఫర్లు వస్తున్నాయి. ఇటీవల షారూఖ్‌- అట్లీ చిత్రంలో నయనతారని ఎంపిక చేశారని ప్రచారం జరిగింది. తాజాగా తెలుగులో మరో సినిమా చేయబోతుందని సమాచారం. చివరిగా ఈ సీనియర్‌ హీరోయిన్‌ `సైరా`లో చిరంజీవితో జోడీ కట్టింది. తనదైన నటనతో మంత్రముగ్దుల్ని చేసింది. ఇప్పుడు సూపర్‌ స్టార్‌ సరసన నటించబోతుందట. 

మహేష్‌బాబు, త్రివిక్రమ్‌ కాంబినేషన్‌లో మరో సినిమా పట్టాలెక్కబోతుంది. త్వరలో ఇది ప్రారంభం కానుంది. ఇందులో హీరోయిన్‌ పాత్ర కోసం చాలా మంది పేర్లని పరిశీలించారు. కియారా అద్వానీ, కృతి సనన్‌, జాన్వీ కపూర్‌, మాళవిక మోహనన్‌, జాన్వీ కపూర్‌ వంటి పేర్లు తెరపైకి వచ్చాయి. కానీ తాజాగా మరో స్టార్‌హీరోయిన్‌ పేరు బలంగా వినిపిస్తుంది. లేడీ సూపర్‌ స్టార్‌ నయనతారని తీసుకోవాలనే ఆలోచనలో ఉన్నారట. 

నయన్‏తో చర్చలు జరుపుతున్నారని టాక్. ఒకవేళ నయన్ ఈ ప్రాజెక్టుకు గ్రీన్ సిగ్నల్ ఇస్తే.. మహేష్ సరసన మొదటి సారి నయన్ స్క్రీన్ షేర్ చేసుకోబోతుందని చెప్పవచ్చు. అలాగే మరో హీరోయిన్‏గా బాలీవుడ్ బ్యూటీని ఎంపిక చేయాలనుకుంటున్నారట మేకర్స్. అయితే ఆ హీరోయిన్ ఎవరనేది ఇంకా తెలియాల్సి ఉంది. ఇక త్రివిక్రమ్, మహేష్ కాంబోలో వచ్చే ఈ మూవీ పక్కా కమర్షియల్ ఎంటర్ టైనర్ అని డిఫరెంట్ కథాంశంతో ఉంటుందని సమాచారం. ఈ చిత్రానికి తమన్ సంగీతం అందించనున్నారు.  

మహేష్‌ ప్రస్తుతం `సర్కారు వారి పాట` చిత్రంలో నటిస్తున్నారు. పరశురామ్‌ దర్శకుడు. కీర్తిసురేష్‌ హీరోయిన్‌ నటిస్తుంది. మరోవైపు నయనతార ప్రస్తుతం `కాతు వాకుల రెండు కాదల్‌`, రజనీతో `అన్నాత్తే`,అలాగే `నెట్రికన్‌` చిత్రాల్లో నటిస్తుంది.

Follow Us:
Download App:
  • android
  • ios