Asianet News TeluguAsianet News Telugu

ఒకవైపు తండ్రి సెంటిమెంట్, మరోవైపు క్రైమ్.. ఆసక్తికరంగా కార్తికేయ 'భజే వాయువేగం' టీజర్

ఆర్ఎక్స్ 100 ఫేమ్ కార్తికేయ, ఐశ్వర్య మీనన్ జంటగా నటిస్తున్న తాజా చిత్రం భజే వాయు వేగం'. ప్రముఖ నిర్మాణ సంస్థ యువి క్రియేషన్స్ వారు నిర్మిస్తున్న ఈ చిత్రాన్ని డైరెక్టర్ ప్రశాంత్ రెడ్డి తెరకెక్కిస్తున్నారు. 

Karthikeya Bhaje Vaayu Vegam Teaser out now dtr
Author
First Published Apr 20, 2024, 6:13 PM IST

ఆర్ఎక్స్ 100 ఫేమ్ కార్తికేయ, ఐశ్వర్య మీనన్ జంటగా నటిస్తున్న తాజా చిత్రం భజే వాయు వేగం'. ప్రముఖ నిర్మాణ సంస్థ యువి క్రియేషన్స్ వారు నిర్మిస్తున్న ఈ చిత్రాన్ని డైరెక్టర్ ప్రశాంత్ రెడ్డి తెరకెక్కిస్తున్నారు. ఇటీవల ఈ చిత్ర ఫస్ట్ లుక్ ని సూపర్ స్టార్ మహేష్ బాబు చేతుల మీదుగా లాంచ్ చేశారు. 

హ్యాపీ డేస్ ఫేమ్ రాహుల్ టైసన్ ఓ ముఖ్య పాత్రను పోషిస్తున్నాడు. తాజాగా ఈ చిత్ర టీజర్ రిలీజ్ అయింది. ఒక వైపు తండ్రి సెంటిమెంట్, మరోవైపు క్రైమ్ ఇలా రెండు షేడ్స్ ఉన్న ఆకథలా టీజర్ ఆకట్టుకుంది. 'డ్రగ్స్ కేసులో ప్రధాన నిందితుడు.. ఆ కేసు ఇన్వెస్టిగేషన్ చేస్తున్న ఆఫీసర్ హత్య కేసులో ప్రధాన నిందితుడు అంటూ.. కార్తికేయ పాత్రకి హైప్ ఇచ్చారు. 

 

మరోవైపు కార్తికేయ.. ప్రతి ఒక్కరి లైఫ్ లో ఒకడుంటాడు.. వాడికోసం ఏం చేయడానికైనా వెనుకాడం.. నా లైఫ్ లో అది మా నాన్న ' అంటూ చెబుతున్న డైలాగ్ ఆకట్టుకుంటోంది. ఇంతకీ కార్తికేయ తండ్రికి.. అతడు చేస్తున్న క్రైమ్ కి ఏంటి సంబంధం అనేది ఈ చిత్రంలో అసలు పాయింట్ లాగా టీజర్ కట్ చేశారు. 

వీలైనంత త్వరగా ఈ చిత్రాన్ని రిలీజ్ చేయాలనీ వేగంగా షూటింగ్ చేస్తున్నారు. ఈ చిత్రంతో అయినా మంచి విజయం దక్కించుకోవాలని కార్తికేయ ప్రయత్నిస్తున్నాడు. 

 

Latest Videos
Follow Us:
Download App:
  • android
  • ios