నటుడు, దర్శకుడు రాఘవ లారెన్స్ కి హారర్ చిత్రాలను తెరకెక్కించడంలో ప్రత్యేకమైన పేరు ఉంది. కాంచన ఫ్రాంచైజీలో భాగంగా 'కాంచన 3' చిత్రాన్ని డైరెక్ట్ చేస్తున్నారు. సన్ పిక్చర్స్ బ్యానర్ పై తెరకెక్కుతోన్న ఈ సినిమా ట్రైలర్ తాజాగా ప్రేక్షకుల ముందుకు వచ్చింది.

ఈ సినిమాలో లారెన్స్ సరికొత్త అవతారంలో దర్శనమిస్తున్నారు. వైట్ అండ్ వైట్ డ్రెస్ లో మెరిసిన గడ్డంతో వయసు మళ్లిన పాత్రలో కనిపిస్తున్నారు. ఈ సినిమాలో ఆయన రెండు విభిన్న పాత్రల్లో కనిపించనున్నారు.

సినిమాలో విలన్ గా కబీర్ సింగ్ కనిపించనున్నారు. సినిమా ట్రైలర్ లో హారర్ ఎలిమెంట్స్ తో పాటు మాస్ అంశాలు కూడా చాలానే ఉన్నాయి. మరి సినిమాకి ఎలాంటి రిజల్ట్ వస్తుందో చూడాలి!