మూడు ఎగ్జైటింగ్‌ ప్రాజెక్ట్ లతో రాబోతున్నాః `జాతిరత్నాలు` ఫేమ్‌ నవీన్‌ పొలిశెట్టి
`జాతిరత్నాలు` సినిమా తర్వాత అఫీషియల్‌గా ఆయన ఇంకా మరే సినిమాని ప్రకటించలేదు. ఆయన సినిమాలపై అనేక వార్తలు వినిపించాయి. ఈ నేపథ్యంలో తాజాగా తన నెక్ట్స్ సినిమాల గురించి వెల్లడించారు.
`ఏజెంట్‌ సాయి శ్రీనివాస ఆత్రేయ`, `జాతిరత్నాలు` చిత్రాలతో సక్సెస్‌ సాధించి క్రేజీ కమెడీ హీరోగా మారాడు నవీన్‌ పొలిశెట్టి. తనకంటూ ఓ స్పెషల్‌ జోనర్‌ ని ఏర్పాటు చేసుకున్నారు. సింపుల్‌ కథతో ఫన్‌ జనరేట్‌ చేసి రెండున్నర గంటలు థియేటర్లో నవ్వులు పూయించి సూపర్‌ సక్సెస్‌ అందుకున్నారు. ఇటీవల విడుదలైన `జాతిరత్నాలు` సినిమా దాదాపు యాభై కోట్ల కలెక్షన్లు రాబట్టిందంటే నవీన్‌ కామెడీకి ఏ రేంజ్‌లో మార్కెట్ ఉందో అర్థం చేసుకోవచ్చు.
ఈ సినిమా తర్వాత అఫీషియల్‌గా ఆయన ఇంకా మరే సినిమాని ప్రకటించలేదు. ఆయన సినిమాలపై అనేక వార్తలు వినిపించాయి. ఈ నేపథ్యంలో తాజాగా తన నెక్ట్స్ సినిమాల గురించి వెల్లడించారు. తాను ప్రస్తుతం మూడు సినిమాల్లో నటించబోతున్నట్టు తెలిపాడు. ప్రస్తుతం ఆయా సినిమాలు స్క్రిప్ట్ దశలో ఉన్నాయి. త్వరలోనే పట్టాలెక్కనున్నట్టు తెలిపారు. ఈ విషయంలో ఇంకా ఏ వార్తలను నమ్మొద్దంటూ ఓ ఇంగ్లీష్‌ రైటర్‌ కోటేషన్‌ని పంచుకున్నాడు నవీన్‌. మూడు సినిమాలు మూడు బిగ్గెస్ట్ బ్యానర్స్ లో చేస్తున్నాడట. వాటిలో పనిచేయడం తన డ్రీమ్‌ లాంటిదని పేర్కొన్నాడు. చాలా ఎగ్జైటింగ్‌గా ఉన్నట్టు చెప్పాడు.
కానీ ఆ మూడు సినిమా వివరాలు చెప్పలేదు. అయితే వీటిలో యూవీ క్రియేషన్స్ లో ఓ సినిమా ఉన్నట్టు ప్రచారం జరుగుతుంది. ఇందులో అనుష్క శర్మతో జోడీ కట్టబోతున్నాడట నవీన్‌ పొలిశెట్టి. అంతేకాదు ఇందులో విజయ్‌ దేవరకొండ ఎక్స్‌టెండెడ్‌ కోమియో చేస్తున్నట్టు సమాచారం. ఆయన పాత్ర చాలా కీలకంగా ఉంటుందనే ప్రచారం జరుగుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
