దర్శకేంద్రుడు రాఘవేంద్రరావు కొత్త అవతారం ఎత్తబోతున్నారు. తెలుగు ప్రేక్షకులకు రాఘవేంద్రరావు 100కి పైగా చిత్రాలని అందించారు. త్వరలో రాఘవేంద్రరావు నిర్మాతగా ఓ ఆసక్తికర చిత్రం తెరకెక్కనుంది. ఈ చిత్రంలో నాగ శౌర్య, అనుష్క ప్రధాన పాత్రల్లో నటించనున్నారు. ఈ చిత్రానికి సంబందించిన వార్తలు సినీ అభిమానుల్లో ఆసక్తిని రేకెత్తిస్తున్నాయి. 

ఈ చిత్రాన్ని ముగ్గురు క్రేజీ డైరెక్టర్స్ తెరకెక్కిస్తారట. జాగర్లమూడి క్రిష్, అనిల్ రావిపూడి, బివిఎస్ రవి ఈ చిత్రానికి దర్శకత్వం వహించబోతున్నట్లు తెలుస్తోంది. ఈ చిత్రంలో మూడు కథలు ఉంటాయట. ఈ మూడు కథలకు కామన్ గా ఓ రిలేషన్ ఉంటుంది. రాఘవేంద్రరావు ఈ చిత్రాన్ని ప్రతిష్టాత్మకంగా తీసుకుని నిర్మించబోతున్నట్లు తెలుస్తోంది. 

ఈ చిత్రంలో మరో ముగ్గురు హీరోయిన్లుగా కూడా నటించనున్నారు. త్వరలోనే ఈ చిత్రానికి సంబంధించిన పూర్తి వివరాలు తెలియనున్నాయి. ప్రస్తుతం అనుష్క నిశ్శబ్దం చిత్రంలో నటిస్తోంది. భాగమతి తర్వాత లాంగ్ గ్యాప్ తీసుకున్న అనుష్క మళ్ళీ సినిమాలతో బిజీ అవుతోంది.