Asianet News TeluguAsianet News Telugu

స్టేజ్ పై ఇళయరాజా షాకింగ్ ప్రవర్తన.. వీడియో వైరల్!

ప్రముఖ సంగీత దర్శకుడు ఇళయరాజా ఈ మధ్యకాలంలో తన దురుసు ప్రవర్తనతో వార్తల్లోకెక్కుతున్నారు. 

ilayaraja's shocking behaviour
Author
Hyderabad, First Published Jun 4, 2019, 2:05 PM IST
  • Facebook
  • Twitter
  • Whatsapp

ప్రముఖ సంగీత దర్శకుడు ఇళయరాజా ఈ మధ్యకాలంలో తన దురుసు ప్రవర్తనతో వార్తల్లోకెక్కుతున్నారు. అనుమతి లేకుండా తన పాటలు వాడుకుంటున్నారని యువ సంగీత దర్శకులపై వివాదాస్పద వ్యాఖ్యలు చేసిన ఆయన తాజాగా మరో వివాదంతో వార్తల్లో నిలిచారు.

ఇటీవల ఆయన తన 76వ పుట్టినరోజు వేడుకలు జరుపుకొన్నారు. ఈ క్రమంలో చెన్నైలో ఇళయరాజా కోసం ఓ కచేరీ వేడుకను నిర్వహించారు. ప్రముఖ గాయకులు ఎస్పీ బాలసుబ్రమణ్యం, జేసుదాస్ తదితరులు ఈ వేడుకలో పాల్గొన్నారు.

అయితే కార్యక్రమం జరుగుతుండగా మధ్యలో ఓ సెక్యురిటీ గార్డ్ మంచి నీళ్ల సీసాలు ఇవ్వడానికి స్టేజ్ పైకి వచ్చారు. దాంతో అతడిపై మండిపడ్డాడు ఇళయరాజా. అనుమతి లేకుండా స్టేజ్ పైకి ఎందుకు వచ్చావ్ అని అతడిని తిట్టిపోశారు. దాంతో అతడు క్షమాపణలు చెబుతూ ఇళయరాజా కాళ్లు పట్టుకున్నారు.

ఆ తరువాత పదివేలు ఇచ్చి సీట్లు బుక్ చేసుకున్న వారి స్థానాల్లో రూ.500, రూ.1000 ఇచ్చి సీట్లు కొనుక్కున్నవారు కూర్చున్నారంటూ మాట్లాడారు. దీనికి సంబంధించిన వీడియో సోషల్ మీడియాలో వైరల్ అవుతోంది.  

Follow Us:
Download App:
  • android
  • ios