విజయవాడలో నాగచైతన్యకు అదిరిపోయే రెస్పాన్స్.. జోరుగా ‘థ్యాంక్ యూ’ ప్రమోషన్స్.. చైతూ ఇంట్రెస్టింగ్ కామెంట్స్
అక్కినేని యువ హీరో నాగచైతన్య బ్యాక్ టు బ్యాక్ చిత్రాలతో సక్సెస్ ను అందుకుంటున్నారు. విభిన్న కథలతో అలరిస్తున్న చైతూకు ఫ్యాన్ ఫాలోయింగ్ కూడా గట్టిగానే ఉంది. తాజాగా విజయవాడకు వెళ్లిన చైకి అభిమానులు ఘన స్వాగతం పలికారు.
 )
Followయంగ్ హీరో నాగచైతన్య (Naga Chaitanya), గ్లామర్ బ్యూటీ రాశీ ఖన్నా జంటగా నటిస్తున్న చిత్రం ‘థ్యాంక్ యూ’. ఈ సినిమా రేపు గ్రాండ్ గా రిలీజ్ కాబోతోంది. ఇప్పటికే చిత్ర యూనిట్ ప్రమోషన్ కార్యక్రమాలను క్రేజీగా నిర్వహించారు. ఇటీవలనే ప్రీ రిలీజ్ ఈవెంట్ ను సైతం సక్సెస్ ఫుల్ గా పూర్తి చేసుకున్న ఈ చిత్రం ప్రీమియర్ షో ఈరోజు విజయవాడలో పడనుంది. మంచి టాక్ ను సంపాదించుకున్న చిత్రాన్ని థియేటర్లలో చూసి ఎంజాయ్ చేసేందుకు ఆడియెన్స్ సిద్ధంగా ఉన్నారు. ఇఫ్పటికే విడుదలైన పోస్టర్స్, ట్రైలర్, పాటలకు అదిరిపోయే రెస్పాన్స్ వచ్చింది.
Thank You మూవీ మరికొద్ది గంటల్లో ప్రేక్షకుల ముందుకు రానుంది. ఇప్పటికే ‘లవ్ స్టోరీ, బంగార్రాజు’ చిత్రాలతో సక్సెస్ అందుకున్న చైతూ ‘థ్యాంక్ యూ’ మూవీతో య్యాట్రిక్ హిట్ కొట్టేందుకు సిద్ధంగా ఉన్నాడు. విభిన్న కథలతో అభిమానులు, ఆడియెన్స్ ను అలరిస్తున్న చైతూకు ఫ్యాన్ ఫాలోయింగ్ కూడా గట్టిగానే ఏర్పడింది. తాజాగా ‘థ్యాంక్ యూ’మూవీ ప్రీమియర్ షోకోసం విజయవాడకు వెళ్లిన చైతూకు ఎయిర్ పోర్ట్ వద్ద అభిమానులు ఘన స్వాగతం పలికారు. థ్యాంక్ మూవీ బ్యానర్లతో చైతూను సర్ ప్రైజ్ చేశారు. ప్రస్తుతం ఈ వీడియో ఇంటర్నెట్ లో వైరల్ అవుతోంది.
ఈ రోజు రాత్రి రాజమండ్రిలోని శ్యామల థియేటర్ లో ప్రీమియర్ షో పడనుండగా.. ఎర్లీగానే చైతూ, చిత్ర యూనిట్ అక్కడికి చేరుకున్నారు. ముందుగా విజయవాడలో ప్రమోషన్స్ లో భాగంగా మీడియాతో ఇంటరాక్ట్ అయ్యారు. ఈ సందర్భంగా నాగచైతన్య మాట్లాడుతూ.. అభిమానుల కోసం ఏదో ఒక కొత్తదనాన్ని ప్రతి సినిమాలో చూపిస్తున్నామని అన్నారు. అభి, ప్రియా అనే క్యారెక్టర్ లు ఈ సినిమాను నడిపిస్తాయని తెలిపారు. రాశీ ఖన్నాతో వర్క్ ఎక్స్పీరియన్స్ చాలా బాగుందన్నారు. తనకు ఫ్యామిలీ ఎంటర్టైనర్ మూవీస్ ఎక్కువ నచ్చుతయని, మన జీవితంలో ఎవరెవరికో థ్యాంక్యూ చెప్పాలని చెప్పలేకపోతున్నాం కానీ ఖచ్చితంగా ఈ సినిమా చూశాక వారిని థాంక్స్ చెబుతారని అన్నారు. ఈ చిత్రం తనను మార్చిందని, గతంలో తన ఫీలింగ్స్ అన్ని తనలోనే దాచుకునే వాడని, ఈ చిత్రం తర్వాత ఓపెన్ అవుతున్నానని చెప్పుకొచ్చాడు.
ఈ రొమాంటిక్ కామెడీ ఫిల్మ్ రేపు (జూలై 22న) గ్రాండ్ గా రిలీజ్ కాబోతోంది. డైనమిక్ డైరెక్టర్ విక్రమ్ కుమార్ దర్శకత్వంలో ‘థ్యాంక్ యూ’ మూవీ తెరకెక్కబోతోంది. సినిమాలో గ్లామర్ బ్యూటీలు రాశీ ఖన్నా (Raashi Khanna), అవికా గోర్ (Avika Gor) హీరోయిన్లుగా అలరించనున్నారు. శ్రీ వేంకటేశ్వర క్రియేషన్స్ బ్యానర్ పై స్టార్ ప్రొడ్యూసర్ దిల్ రాజు, షిరీష్ లు సినిమాను నిర్మించారు. సెన్సేషనల్ మ్యూజిక్ డైరెక్టర్ ఎస్ థమన్ అదిరిపోయే ట్యూన్స్ ను అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
