యమ స్పీడ్గా కొట్టేసిన కార్తి.. సుల్తాన్ వచ్చేది ఎప్పుడు?
కార్తి హీరోగా రష్మిక మందన్న కథానాయికగా రూపొందుతున్న తమిళ చిత్రం `సుల్తాన్` షూటింగ్ పూర్తి చేసుకుని డబ్బింగ్ కార్యక్రమాలు ప్రారంభించుకుంది.
హీరో కార్తి ప్రస్తుతం `సుల్తాన్` చిత్రంలో నటిస్తున్నారు. భాగ్యరాజ్ కన్నన్ దర్శకత్వంలో రూపొందుతున్న ఈ సినిమా షూటింగ్ ఇటీవల పూర్తి చేసుకుంది. ఇందులో కార్తీతో రష్మిక మందన్నా రొమాన్స్ చేస్తుంది. డ్రీమ్ వారియర్ పిక్చర్స్ పతాకంపై ఎస్.ఆర్.ప్రభు నిర్మిస్తున్నారు.
కరోనా లాక్డౌన్ ఎత్తివేసి, షూటింగ్లకు కేంద్ర, రాష్ట్రప్రభుత్వాలు అనుమతివ్వడంతో ఏమాత్రం లేట్ చేయకుండా కరోనా జాగ్రత్తలు పాటించి `సుల్తాన్` చిత్ర షూటింగ్ని పూర్తి చేశారు. ఈ నేపథ్యంలో లవ్ అండ్ ఫ్యామిలీ ఎంటర్టైనర్గా రూపొందుతున్న ఈ సినిమా డబ్బింగ్ కార్యక్రమాలు ప్రారంభించుకుంది.
శుక్రవారం నుంచి డబ్బింగ్ ప్రారంభించారు. కార్తి డబ్బింగ్ చెప్పారు. ఈ విషయాన్ని తాజాగా చిత్ర బృందం పంచుకుంది. ఇప్పటికే ఎడిటింగ్ కార్యక్రమాలు పూర్తయినట్టు చిత్ర బృందం పేర్కొంది. త్వరలోనే విడుదల చేస్తారట. మరి ఇది థియేటర్లోనే వస్తుందా? ఓటీటీలో విడుదలవుతుందా? అన్నది చూడాలి.